Praise On Thlalak

Synfo PRAISE ON

1.He Show PRAISE ON hi kan kohhran rawngbawlna pawimawh tak pakhat zaia rawngbawlna kawnga hmasawnna atan leh kohhran programme hrang hranga thinlung taka Pathian faka zai thei kan lo pun a kan inhriat tawn na atan a buaitsaih a ni, Mizoram chhunga KTP Branch tin te Solo intihsiakna a ni ang.
2. KTP Branch tinin an Branch chhunga mi zaithiam, Pathian fak duh mi, an Branch aiawh tur an ruat ang a, a zat chu Branch thu thu a ni ang (Branch ruat ni lo chu mimala tel a rem lovang)
3. He show a tel thei tur chin chu Presbyterian Kohhran, KTP Member, mahni puala Audio Album leh Music Video Album la siam lo te tel theih a ni ang. (Music Video pahnih khat emaw Audio Album thenkhata zaina lo nei tawh te chu Album puitling siam an nih loh avangin an tel thei ang)
4. Lawmman:
Pakhata : Rs 80,000
Pahnihna Rs 40,000
Pathumna : Rs 20,000
Consolation Prize: Rs 20,00 (Top Ten tling chin te)
5. He Show ah hian Round 4: Audition, Second Round, Third Round leh Final Round a awm ang.
6.Second Round atang hian TV-ah HRUAINA ENG channel ah LIVE telcaste a ni ang.

PRAISE ON AUDITION ROUND ZAWH FEL A NI TA

Praise On Audition Round chu Aizawl pawn lam Zone hrang hranga neih a nih hnuah Aizawl Zone pawh zawh fel a ni ta.

Aizawl Zone bikah hian August 19 & 20 khan Mission Veng Kohhran Hall-ah intihsiakna neih a ni a, August 22, 23 & 24 khan Chanmari Kohhran Hall-ah neih a ni bawk. Aizawl Zone-ah hian mi 160 ten Audition Round hi an paltlang a ni.
   

Zone hrang hrang atanga Audition Round paltlang zat te chu :  
Lunglei Zone  -    8
Mamit Zone -    9
Kolasib Zone -    25
Serchhip Zone -    26
Champhai Zone -    26
Aizawl Zone -    160
An vaiin -    254

Second Round hi September 13 - 16, 2016 chhungin Bungkawn Kohhran Hall-ah neih leh tur a ni a. Second Round-ah hian Mizo hla pakhat sak tur a ni ang a, Keyboard leh Guitar hman theih a ni ang a, Guitar chauh emaw, Keyboard chauh emaw pawh hman theih a ni ang. Second Round atang hian Top 50 thlanchhuah leh a ni dawn a ni.      

Zone hrang hranga Audition Round thlengtute inpekna leh inbuatsaihna a fakawm hle a, an chungah Organising Committee chuan lawmthu an sawi a ni.


'Praise On' hi Synod Information & Publicity Department (Synfo) leh Inkspot Digiprint Solutions (Main Sponsor) leh Co-Sponsor : Hlunbuang Store, MD&D Enterprise, Trade Centre leh CL Paper te tangkawpin an buatsaih a ni a. Lawmman atan pakhatna - Rs. 80,000/-, pahnihna - Rs. 40,000/-, pathumna - Rs. 20,000/- leh Top 10 tling chin tan Consolation Prize - Rs. 5,000/- theuh pek an ni ang. Music Home, Chanmari ten pakhatna atanga pathumna te hi Keyboard an pe ang a, an Branch tan microphone an pe dawn bawk. Top 3 te hi Synfo lamin a free in Music Video an siam sak bawk ang. Heng bakah hian Special Award siam tum a ni bawk.

A CHHE VEK

Thlalak zawng zawng hi a chhe vek a ni maw a ho thin hle mai a....

HE THU AVAN MAWI EM

HE THU AVAN MAWI EM
______________________________
Ka nghak chhuak ngai dawn lo che tih hrereng chungin ka nghak reng che a.
______________________________
Beiseina reng nei si lovin ka beisei tlat si che a.
______________________________
Ka tan i awm ngailo a ni tih hrereng chung siin i tan ka awm reng a.
______________________________
I taksa pawh chang ngai lo khan i thinlung neitu nih ka in beisei a.
______________________________
I tana hnawksak leh ninawm mai ni chung
siin i hlimna nih ka la tum fan a.
______________________________
Beisei bo i nih zia hrereng chungin beiseina nen ka la thlir reng che a.
______________________________
Hei hi emni Hringnun chu ???
______________________________
Ka tana vullo par thliah tumin enga tinge ka buai reng si ni. Ka kiang hnaiah hian ka tana par vul mawi tak chu a lo awm reng dah lawmaw tiin ka hawi vel ruai a, ka
thliah phak loh par bawk chuan ka mit a la leh thin.
______________________________
Pangpar mawi tak te pawn chuai hun an
nei ang hian i Hringnun pawh kha a vullai a la chuai dawn si a.
___________________________
RP💐💐😘😭😭