Thian Chhan Thih Ngam Chhandama

Lal berin Huaino a hlan [Throwback 1970`s]

Thian Chhan Thih Ngam Chhandama (Naupang Huaisen Chhandama)

   Bungtlang khua Pu Aitluanga fapa Chhandama hi tunah chuan mipa naupang fel tak pawl hnih zirlai a ni. Kum 1974 June thla khan a thiante pariat nen Mat lui ruamah an ramvak a, Saphai (Rul Lianpui) an hmu ta a. A muhil emaw tiin an va hnaih a, chu veleh chu rulpui chu a ding sang a, an thianpa Rinsiama chu a hem thlu a, a delh bet nghal a. A thiante chu an tlan chhia a. mahse Rinsiama mangang thawm a hriat chuan Chhandama chu a kir leh a, Saphai chu kuttumin a bei a, Rinsiama chu a banah a hnuk sawn a, a chhandam ta a ni.

   Heti meuh a thian chhan ngam leh inpe zo a nih avang hian ram tan a chhuanawm a, chawimawi tlak a nih avangin India ram lal ber, President chuan chawimawina ropui, `Huaino` Jeevan R`ksha Padak medal a hlan, sum cheng zanga in a thuam bawk a ni.

   He chawimawina ropui tak hi kumin Independence lawmn ah khan Chief Minister Pu Ch. Chhunga kut atangin a dawng a, vantlangin an ngaisang em em a ni.