English rock band Oasis hi i duh ve viau em? I duh viau chuan Lionel Messi nen in duhzâwng a inang tihna a ni a. He band hi Messi hian a duh hle a, Argentina an champion chuan champion lawmna party-ah zai ngei se a duh hle.
Messi hian Oasis hla a ngaihthlak hmasak ber chu "Don't Believe the Truth" hla a ni a, a ngaihthlak tanna hi a la rei lo hle a, tunhnai mai, World Cup tan hma lawk khan a ni; chu pawh Carlos Tevez-an World Cup inbuatsaih nana Liam leh Noel Gallagher hlate hi ngaithla ve turin a râwn a, Messi hian a ngaithla a, a duh ta viau a ni âwm e.
"World Cup khelhna hmun tur pana thlawhna kan chuan laiin Tevez hian ngaithla ve turin min hrilh a, an album pahnih min ngaihthlaktir phawt a, ka rin aiin an lo thiam a, ka ngainat zawng tak an lo ni a, ka duh ta hle a ni," tiin, kum 22 mi Messi hian a sawi. Oasis hi British rock band an ni a, Manchester khaw chhuak an ni.
No comments:
Post a Comment