Khawsik!

Sunday zan ka inkhawm bang chu,zan dang lo ang takin a vawh ka tihna chuan min ti buai riau mai a,rei tak phei chu ka meng meuh lo,eng eng emaw ti chuan ka mu ve ta mai bawk a,a tuk hma deuh takah chuan ,khuante vik an ti ang chu rual u te chuan han sawi chhawng leh ngat se chu..ka vawt ti lutuk chuan min rawn kai harh a, ka beng bulah chuan ring tak hian, "Vawt i va ti awm em!!! i khur nasa hle mai a,"ti niawm tak hian hriiat tur awm hauh si lo hian... ka taksa chuan vawt a tiin ka khur hlawk hlawk a, ni a lo tlan san chuan ka awm dan chu a dik hauh lo,ka pum chu awm dan phung pangai a ni lo,a chhung a thil awm te chuan chhuah tum ni awm tak hian a rem lai lai chu an rawn do na hlawm ta ngei a,tih dan vak awm hek lo  le,chu ka pum chung a mi te ho chhuah chak ho te chu paih turin vawi tam tak ka awm phah ta, ka paih chak reng hlawm bawk a.A mak khawp mai khawsik chuan hmun khuarin Thawhtan chu ka mu nileng zak lah taka, a va han ninawm mai mai em..

Zan ah thalai inkhawm a nih avang chuan khur bauh bauh chung chuan thawmhnaw lum inbel in ka inkhawm tluan hram a,inkhawm lai chuan min ti buai lem lo,ka haw a mut nan hun ka hmang a ni ber e,zan a lo rei zel a rei lo te te, tui pawh tibua se a la luang darh hman lovang, tih awm lek lek ah chuan ka harh leh thuai zel a,ka mangang hle mai.Khawsik chuan ka tha a ti zawi a, ka khawsak a ti buai hle mai,mi fate chuan thlawhna te an rui thin nia!!!,motor vawi khat chu ka rui ve tawh chuan ka hria ,nikum kum tir a Mamit kan zu kal, kan haw lam khan.Zanlai chho velah chuan mittui tla phungin bucket hmaah chuan ka ang reng a ,a hrehawm hle mai,khawsik hian hna mak tak tak a lo thawk thei a nih hi.Ka ang nasa bawk a mittui a tla hnem bawk a, ka chau hnawk mai,mutthilh a va han har tehlul em!!!! 

Mut hram ka tum ta a, ka che chang peih der lo,kan mu leh ta cheng a, ka mang lamah chuan number hlir ka la hmu zui ,mak tak hi a ni chhut ngai nasa lutuk tak chi hlir hi ka la hmu zui, eng nge a chhan ka hre hauh lo. Number hlir a ni ka hmuh ni,eng ti teh reng nge maw ni dawn ni,ka harh leh mai thin,ka khua a sik lo a ni lo ang..

Khua a lo var meuh chuan ka taksa thunun zo lo khawp a ka khur chiam te kha a awm ta hauh lo ,ka thaw huai mai,kum bul atanga khawsik, awm nuam lova  bul kan tran ngawt mai chu a mak ang reng hle mai,ka dam lo khat fu 2007 vela damdawiin lut khawp a ka khua a sik tih mai loh chu,ka chhunzawm leh khat khawp mai...hrisel ve pangai tak ka ni a lawmawm khawp mai.