April Ni 2-ah thil ropui.

Ni dang ang thoin he ni hi a ni si,mahse ni dang lo ang takin thil ropui tak thleng a awm a,chu thil chu thuthlenga rem lo tak thun ka thut dan tak chu a rem bawk si mahse ka rem lo a ni,thaw a sa ve duh phat phat hle mai,hetiang hi ka en na a lo rei ve ta khelh pawh ka khel nasa ve narawh e,a awmzia zawng zawng zatve aia tam chu ka hrethiam ve chuan ka hria,lo khelh ve tawh chuan a mi deh dan leh en dan thiam a awl viau,ka vannei teh e...

Chawhnu dar 2:30 atangin thlir theihin a awm a,chu thil chu ICC Cricket World Cup 2011 Wankhede Stadium Mumbai a khelh India leh Sri Lanka vangin he thil hi a lo awm phah ta a ni,Sri Lanka hian Bat hmasain run rate pawh a tha tehchiam lo mahse,an khel chhe mawlh lo..Sri Lanka hian Run 274 Siamin Wicket 6 an hlauh a run siam tha veng vawng tak chu an ni,India Bat hun a lo thleng ve ta,an han bat ve ta cheng a Sehwag an duck out nghal rigawt a,Sachin Tendulkar Century vawi 99 siam tawh lah run 18 lek siamin an thi zui ve mai bawk a,mahse Gautam Ghambir a hun takah a rawn che a run 97 lai a rawn siam Century a sim pha ta lo a pawi hle mai,a tawp a tawp ah chuan India Captain Mahendra Dhoni chuan vai film takin Six run a vuak chu an Chak phah ta a,India chu Cricket-ah khawvel Champion an lo ni ta..a ropui khawp mai..ka lo tang ve bawk a,rei vak lo chu kan lam ve leh mai bawk kha maw...

A tumhnih na atan India hi Cricket World Cup ah an champion na a ni a. Sacin Tendulkar hi khawvela batman tha bera chhal ngam he pa tluk tur awm lo,mi bik a ni a,chawimawina zawng zawng deuh thaw a la vek tawh mahse World Cup a la chawi lo..tunah chuan a chawi ta a lawmpui awm thlawt e. World Cup a thlengtu ram an champion vawikhatna a ni a a ropui e,India ram Cricket aia game dang lar theih lo hulhualna ram leilungah ngei,Khawvel a a tha ber nihna lalukhum an chang ta..

BCCI chuan World Cup champion team player te hi Cheng vaibelchhekhat a pe theuh dawn a. Coaching team te Cheng Nuaih Sawmnga theuh a pe ang nga. Selectors ho Cheng Nuaih Sawmhnihpanga theuh a pe dawn bawk a,duhsakna leh lawmpuina thilpek an la dawng chhunzel ngei ngei bawk ang..India chu Khawvel ah a ber a lo ni ve ta si a.