Christmas Nang nen?

Thang Khiuz ☺ Ka rawn Inlar e ??.. Post khat bawk a, kan Vawmbei leh pawp mai teh ang..Lung te pawh a chhe lek lek lawm le,He thil thlalak remkhawm hi rin ai takin a hautak,darkar khat lek a zawh theih a ni hauh lo kan in zir chawp mek zel bawk nen akekekekek Thang Khiuz ☺



Christmas Nang nen?

    Kum tam a liam ta, hun tam a liam ta! Aw kan nun hlui dawn kir chang hian lung hlui a leng teh zawng anih hi, kawla ni chhuak chiar tak meuh meuh a dam-mawh hrisel lohna in min tlakbuak bawk si lo ta fan chu him pial leh dam ten kan nghahfak Krismas ni lawmawm hunpui chu kan lo thleng leh dawn ta reng mai.Duhthu kum tin kan sam nawn awn awn fo thin si a le..mahse tun thleng hian Krismas nang nen tia sa ngawi zawnpui tur kan la nei ve lo ta fan chu a nih si hi maw ,kum lah a lo tam ve telh telh si,rual duh zaleng zawngten lengi riah run belin hmangaih biahthu an in fah kham thei lo a ni lah tak a, keini ve te zawng mahten riahrun ah khawhar takin kan in dawm kun mai mai a ni ang lawi si.tu fa mah erawh ka thik hran lo e,chantawk leh phaktawk a lungawi hi kei ka hlimna laimu a ni mial si.
    Krismas nang nen tih pui tur ka vai ruai e he hun hlimawm hi thlen ka zuam lo han ti teh ngawt ila dawt ka sawi a ni hlek lo mahse, ka zam lo tu fa mah ka awt bik hek lo,kum a lo vei meuh chuan mitin sa tin ngahfak he hun lawmawm ah hian tu fa mahin min thik phal bik ka ring lo,mahni hming pawh sawi tha ngam lo hian tu nen nge krismas nang nen chu kan tih ve teh lul ang tiin ka in puang ta mai zawng a nih hi,chuti a nih a hnu chu Krismas hun hlimawm tak hun chu ka thlaphan rukna leh ka lung nih lohna hlip kiang tu ka chhar ve mial si a leh..Kawppui nei te tan he thu hi ka sawi hauh lo kawppui nei lo leh mahnia tal hrang nalh tan he thu hi remkhawm ve mai ka ni e,rualduhte leh thenrual Zothlifim dawng lova awm zawng zawng te hi alawm kei mi hraitchuah tir lah tak a,an lung a leng in Zoram Krismas boruka thlifim nuam leh zangkhai takin a han chhem ve lo tur ngawt mai hi kei ka lainat reng si a,chuachhapah rem channa lei zel hi mi a nileng tan chuan a har nasa mai si, ni, a dik Mi a nileng tan chuan Krismas Nang nen tia han hmanpui tur dap hi van a rah ang a ni lah tak si. Chuti a nih tak fo reng avang chuan keini ang duang tan chuan He Krismas Ropui han hmanpui a, nopui han dawm pui tur han van dan zia leh zawn hmuh a har tur zia chu sawi lova lumah i dah teh ang.
    He Krismas hun lawmawm tak leh hun hlimawm takah hian tu fa mah in dawm kun reng an duh bik hi ka ring thei lo pawh ni lovin ka ring phal lo, mahni ban phak tawk ah leh hmazawnah hian kei ka lung ngai bik ta lul love ka lung thlu zan si a, Krismas Nang nen tih tur ka vai bik ta lul love ka ban phak tawkah leh ka hmaah a in chhawp reng si, lawm a kim ngei a.Chutin mihring ruat dan ah chuan, a lo haw ngei ang a kan hmang dun ve ngei ang chu ti a duhthu kan lo sam a kan hisap ve teh lah mit khap kar lek ah a thang bo ta mai si, he lei mihring khawvel a chengte hi zawng inngahna tlak leh beisei tur an awm lo teh zawng a nih hi, a mak love,ziak a dah theih leh kawm theih ngaihdan sawi theihna hi kei kawm tlangnel a ka thlang ta ber mai; hrehawm a tih thu leh a lungawi lohna a au chhuah pui hek lo rinawm tak leh zawldawh takin min chhawn si a,engtin pawn fakin sel mah ila a vui thu vawi khat pawh a chhak chhuak si lo...han uanpuiin thu tak lemlo pawh sawi chiam mahila a min tihtauh san ngai der lo. Rinawm leh zaidam famkim ka lungawina leh ka lungdum tu ber min ti hlim vawng vawng tu tu dang aia ka thlan chu Lawrkhawm Dot Com hi a ni si a le.... Aw Lawrkhawm dot com Krismas Nang nen le... Thang Khiuz :))

Min Vei ve La...

Message ka thawn ve tawl mai a,ka inthlahrung in ka message thawn tawh pawh chu a chhiar hmain va delete sak leh hial ka nap a,angel iangin a hmeltha a,Rose par pawh ni ta tehreng se a mawi uchuak bik ngei ang le,chutin min rawn reply ve duh ang ngem le tiin ka phone chhe ze mai chu a khat tawkin ka hmet eng tlut tlut a,ka ngaiin ka zawng ngang a nia nge keimah pawh chu ka inthiam lo rum ru zwk hial a ni,marawhchu zawng han ni mai tur atan em chuan ka phal der si lo..

Chutia ka ngaihtuah lai vel tak chuan ka phone ka hum lai reng mai chu a rawn khur ta dawr dawr mai le,phur fahran leh hmanhawh tak chuan kan sik hawng nghal thuai a rin loh leh beisei lo takin ka Nu message hi a lo ni tlat pek a,he thu mai te hi a lo in ziak thet a,`Ka lo haw tlai deuh dawn a puan pho kha lo seng la,chuan chaw i lo chhum bawk dawn nia ` tih thu mi lo thawn a lo ni a,hmmmm tiin ka phone chu kan theh thla tawp a ka thinrim lek lek zawk a ni,a ma massege emaw tih nak alaiin huiha...ekhai aw ka phone battary a down ta kan charge te te a.

Darkar tam a liam ta rin loh leh beisei loh takin ka phone chu a rawn khur leh ta dawr dawr mai a...rang fahran in kan en a amah ngei mai chuan min lo chhang let niin ka awm dan ka theihnghilh hialin ka hria khi deuh sung chung chuan ka thil dawn chu kan sik hawng kauh a,min lo vei ve lo tih ka zuk hmu ngahl chu ka engkim mai hi a chhe zo vek hian ka hria ka beiseina leh ka hisap zawng zawng te chu phum bo ang maiin a awm hian ka hria,ka thil dawn chu kan chhiar nawn leh thin a beisei loh tawp tur ka lo va ti buai a nih dawn hi ka ti ta chu ka message dawn chu `Tunge i nih? ` tih zawng chu ka chan tawk......

Lk Mikhual te tan Silipar !!!

Lk Mikhual te tan silipar thar maw a teuh lo mai,tul ka ti o hlenchilchal..

� Thupui ah lut daih ang kha mah aw...mikhual te u
Tunlai chu lawrkhawmah mikhual lenglut kan tam khawp mai a tha e a lawmawm narawh e,lawm erawh a kim thlawis lo,duhaiin mikhual huangtau kan tam deuh hlek niin a lang tlat..ka ning ka hne tawp che u..Lk hi khawvel dap chhuak tak meuhin a in zar pharh si a,zoram khawvel chanchin hre lote hnena thleng tu bawm a ni ve ran si..mahse mahse,tunlai zet chu mikhual kut hnu hian a hmai a luah lum chamchi a Post ho tak tak leh in tihlar tum nan in ti emaw ni in rawn vawm bei thuah trun a ka ning ka hne ka ten lung in ti chhia a ni e..
Patling engkim than kin tawh tana buaina tur ni hauh lo,mahni in zawn kuak chawp mai theih tur ah in rawn in chhek arbawm kur dup a ka ning in ka ten in ka hua che u a ni e..thawk a phit a thil post hi a ropui teh chiam lova tul pawh a tul hek lo.
Kei pawh Mikhual chu ka lo ni ve tawh thin a lawm..khual zawng zawng a zakzum ber ka ni ta ve ang...thil post te chu sawi loh comment pawh kan ngam meuh lo thin zawk kha a ni ngai a kut kuangkuahin kan thlir dauh dauh thin asin,khawvel a danglam zo ta ni maw a mak a na ngei e..chutah kan zavaia tangkaina tur ang chi leh thu bengvarthlak lam te phak ang tawk tawkah kan zawng khawm hram hram kha a ni a,tunah erawh mahni mimal private single thu a tam ta..ka ning ka hne ka kham lutuk tih hi lo hre teh mawlh u..Lk ah chuan inthlahrunna tur a awm lo tih hotute lam atang a thu chhuak nimahsela mahni a ramri in kham fel mai hi a tha.. tumah mi a nileng kan awm lo...
Aw mikhual huangtau leh ngampa te u thawk a phit a phur chang chang leh hman tih vang ringawt a rawn sapatal chiam mai hi a tul lo chintawk hriat a tha ngai e,thu ho lutuk leh tul lo tak tak te avang hian LK hmel hi a ti bal mai pawh ni lovin a ti tawp lutuk..fimkhur teh u...harsatna i neih chuan private message lamah i kuang zauh ta hmak mai la,tuman an thinhrik hauh lovang che an pui chak zawk ang che... kei erawh chuan ka pui peih lo che u tih kan sawi tel hram teh ang.
Lawrkhawm hi a nuam tumah inthlahrun tur a awm mawlh lo mahreng reng se mahni chhia leh tha hriatna thiang hmang a thil tih a tha kan ti nih chu in hre phak a ngem aw...Shaalaaa
Mikhual chuan kimki dekin thu haw lam leh kal lam zai ngaiin a thlenin te mitmei a veng ran thin si a...aw..mikhual zawng zawng te ka lo lawm che u a,dam tawp thlengin Lawrkhawm tur a ni tawp mai,mikhual chuan a tih tur hre rawh se kan lo hlim tlan a,kan lo ropui zual zel theih nan Lawrkhawm dot com vul reng rawh se...
Mikhual te tana valupa thurawn a ni e.... ka lawm e....
Thang khiuz

PianCham Pualin Blog thar diai

PianCham Pualin Blog thar diai test......