Thursday, December 15, 2022
Monday, September 26, 2022
Sunday, August 7, 2022
Monday, April 25, 2022
KA YOUTUBE CHANNEL MIN PAIH SAK DAIH
KA YOUTUBE CHANNEL MIN PAIH SAK DAIH 
proPiG proJEXT13YOUTUBER ka ni ve lem lova YOUTUBE USER chu ka ni ve satliah ve ringawt, eng eng emaw video hrang hrang ka upload ve ṭhin avangin. Video chawhchawrawih 1030 bawr vel chu ka dah hman a awm ve dal tawh mai.
Pastor Bial Inkhawmpui a nih dawn avangin ka khawih zui lem lo. Pathianni zan 12:30 velah (keichu ka mu tawh) Albert'an whatsapp ah "l channel hi an hack ami?" tih min lo thawn hi a lo ni a, Thawhṭanni, April 25 dar 8:30 velah ka hmu chauh a, ka hmu lo ṭep lehnghal chuan.
Chhei rawwww leeee!!!!
- kan en nak chuan ka Youtube channel hming, icon leh banner a lo inthlak vek tawh a, "ETHEREUM ETH" tiin a hming a lo inthlak hmak zu nia. Chutihlaimek chuan, ka channel ah chuan Cryptocurrency chungchang an Live mek a, an titi tui phian mai, comment pek dawnin comment an off vek bawk a.
An va han HACK nasa mek tak em!!!
Ka mail ah kan lut vat a, ka youtube channel - ah ka la lut thei a, ka mail security leh activity kan check nghal a, ka mail password ka thlak nghal bawk, ka password thar hi thumal 35 laia seiin ka thlak a, byheart a har dawn teh e. Ka channel hming an lo thlak te, banner te, icon te ka thlak let vek. Mai mai a.
Ethereum ETH hian video 5 an lo dah hman a LIVE vek a ni a, viewer pawh sing a tlin vek bakah Like pawh sang6 a pel vek. Chung video ho chu ka delete nghauh nghauh a, a him tura ka ngaih tawh, mahse rilru tibuaitu chu Google Account a profile ah ka channel icon bakah Ethereum icon la lang tlat chuan ngaih chu a ti tha lo, a paih theih bawk si lova.
Ethereum hacker te hian ka channel tlawm ve tak chu min tihchhiatsak an tum hrim hrim a, Youtube lamah zualkoin (ka rin dan)an report anga, Youtube lamin ka channel ah dan kalh (Copyright) an hmuh miau avangin hma an la ta a nih hmel.
Darkar reilote hnuah ka Youtube channel chu paih a nih thu mail ka dawng a, appeal na tur an rawn dah angin ka appeal zui nghal a, enge kan an dawn ni, lo ngah phawt a ngai rih a ni ber e. Bei nge sei rundung an ti em ni khah!!!
Hack ka nih mai dan hi - Mak deuh chu Google account security 2step verification an rawn paltlang pawp thei hi a ni. Notification pawh dawng lovin ka account ah an rawn lut tlang purh mai thei tlat. Van ruahtuiin a duh duh lai a rawn nan ang mai hi a ni ber e.
Youtube hi 2009 atang khan ka khawih chho a, Facebook aia Orkut kan thlan deuh tlat hunlai vel kha a ni. Lawrkhawm dot Com a post siam kan duh ṭhin vang kha ni berin ka hria, hei kum 13 hmel alo hmu ve dawn reng tawh mai. Ka lo va upa tawh reuh tak.
Subsciber pawh kumin chhung hian 50k neih ve mai theih ka inbeisei ru a, 50k tlin hunah ka monetize ve ang ka lo ti ve rauh rauh a, mahse, a ruk tak chuan ka zak a, mite hi an fel ṭhin ka ti.
Huihammm, Chhum reilote lo langa ral leh ang maia, an bo zui ta vung vung mai chu a ngaihawmin a khawharthlak duh phian mai.
Phengphehlepa khua tlai zo ta, tihte pawh a awm kha maw.
Beiseina nen han nghak ila, beisei angin thil a thleng ta lo a nih chuan bul kan ṭan ṭha veleh tawh mai ang chu.
Lungrem a chim pawhin a bulṭhut aṭanga siam ṭhat leh a ṭul ṭhin kha maw.
Damn!!!
Hruaitluanga Tuallawt hian min help chak se ka ti!!! 
Friday, February 18, 2022
Sunday, February 6, 2022
Wednesday, February 2, 2022
Friday, January 28, 2022
Sunday, January 23, 2022
Saturday, January 22, 2022
Friday, January 21, 2022
Friday, January 14, 2022
Wednesday, January 12, 2022
Tuesday, January 11, 2022
Monday, January 10, 2022
Sunday, January 9, 2022
Saturday, January 8, 2022
Friday, January 7, 2022
Wednesday, January 5, 2022
Saturday, January 1, 2022
Subscribe to:
Posts (Atom)