Mangtha...

Zing dar 5 : ka chhing sek emaw ka tih laiin kan harh zawk mai a,hun vawnna leh hun hriat na chu kan en chawpchilh nghal vat a a dar zat chaun dar 5 a tih a vangin Zing dar 5 ka tih theih phah e...ngaihtuah a buai deuh nuaih mai a..mahse chhungrilah chuan ka phur ru viau bawk si.mahse, a va han peihawm loh thin tak em!!!!! zanlama banga sana in tar chek riin min mutthilh theih tir lo a,tih chhuanlamah hmang dawn ila an pawm awm der ai si lo..tho phawt mai teh ang...

darkar khat hnuah :  ka puar dan chu a tawk tiu teu khawp mai,mahse zan lam mutthrat loh hri avang chuang lu erawh mi ten an sawi ang thin thoin a na vei deuh  bar a.tual ah chuan  zik mar pah chuan kan awn ang deuh ngawih ngawih a a nuam phian..ngha ngai kan la nghak mek si a ni...ngha ngai ve ziah chu keimah bawk hi ka lo ni leh si thin a mak em em e..a hmanhmawh theih loh a ni ber e..

darkar chanve ah: a awm zingah na na na chuan a awm lo zawng lui tralh ni ta ila...nileng pawn zawng ila kan hmu lo tihna ani dawn si kan lo kim thap tawh reng hi a lo ni reng si a..chutah insiam rem pah chuan kan ding thlek he haw a,he thu hi ka bengah a lo lut ta..."Mangtha"...a nui seih a...

darkar thum hnuah : rin ai tak in a hrehawm lem loh khawp mai,pumna urh in kan nui mittui te pawh a tla pung thei a lawm...mut chhuak chuan tukhum lamah chuan a rawn zem riai riai a..mahse,a hun leh hmun in a zir ngang loh avang in mut chhuak a zawng a ka tih hlawhtlin loh ber tur zing a mi hian mi lo zem mai a ni si a..a vawi khat nan rilruah mangtha tih rilru chu a rawn thangkhawk...

darkar khat an ral leh chuan : i ril a tram em? tih chu kan ka atanga chhuak lo tawp tur hi a lo ni..chu thu chu han sawi ni ila chu mi a leh thil tul lo thu inremkhawm chhak chhuak fuh lo ber te zinga mi a ni ngei ang,chu thu chu inzawh buai ngai hek lo,chuvang tak chuan alawm boruak pawh a daih duk ni..a vawi hnih nan rilruah Mangtha bawk chu a lo ri nawn leh.

a hnu darkar liam chhung zawng khan : ka hmuh lehhriat chu thing aiin in a awm zing daih tih hi khawpui rilru han put chuan he thu hi a dik...kan thing leh maute an chereu zel a nih hi a lum em em ti rilru chung chuan kan dak vauh vauh a, thli thaw chuan mit a chhem thip a..tap hlei lo mittui tla phungin a awm theih tlat..khua a lum hle mai ruah sur nghek a tan chuan ka beisei lem lo..beiseina thamral tur leh a rilru siam leh sawn kual sawn kual ai chuan khaw lum chuan nuam ti tak leh vannei ti taka hmachhawn euh mai chu a finthlak ber mai..a nuam a ni rilru ah eng dang an awm lo,chhungrilah hian ka hlim em em ringawt ngaih te hi a tha. hliah hliah ringawt tawp..kan mawl chhuih ni ber hian a hriat...Ni sa lutuk tur chu chhum chhah tak mai chuan a rawn hlaih a,ruahtui beiseina chu rilruah a lian mahse, a tla dawn lo tih chu a lang reng mai bawk si..ngaithuahna kawm lai chuan thawm dang pawh chu a ri a lo reh duak hi a lo nih dawn hi,han in thin harh meuh chuan a lo ri rum rum hi a ni ber e..rilru hran threuh ngaihtuahna dang theuh kan ni bawk si ,Pathian min siam dan hi a a mak in a ropui famkim teh e...Midang tan harsatna thlentu nih chu kan duh hauh lo,mahse  kan hriat loh lai leh harsatna kan thlen ang tih pawh ngaihtuah lem lo hian kan thlen fo mahse inhriatthiamna a awm a vang hian  nun hi a nuam fo...

a awmzia : a buai ta nuaih mai,awmzia sawi tur awm der lo em ni dawn?,Kawrte lui  pakhat lo luang chuan fin tur a hre lo a,a luang a luang a,chutia thil tuiril ni ta na na leh, fin tur zawnga luang ta na na chuan fin a nei ta,an  in fin ta thut mai le...khawi lai chin kha nge fin tur zawng a lo luang kha? a hma a lo awm sa pawh kha khawi chin hi nge tih zawhna dawng ta ila..ngawih reng emaw lu thin emaw kan ti ngei ang !!!Sap tawngin awm khawm laiin min zawt phei sela chuan. hnuai lam kan bih ang nga.. kan ngawi thuap ngei ang  Mizo awmkhawm kan ni tlat....thlangkawrvai chu nisela,an ban sei bik zia leh ban phar nuam an tih zia an lantir leh ngei awm si..Chtu tui infin khawm chu an luang ho reng ang chu tih nak alaiin  hlet dang hreuh in,fin tur dang zawng chuan kawrte dang hreuh chuan luang ri har har pah chuan a luang leh ta daih.flak hmaih leh ken theihnghilh a nei awm love a hawi kir leh tawh hauh lo nia!!.Kawngpui dungah chuan naupang lo awm khawm nak nak chu an sikul bang anni ngei ang, ka ipte a chitlum chu kan phawrh a an vai chuan 29 an lo ni a,an chang kim e,luang hmawr an lo peh huh dap avang leh luang no thrial tur zawng a an lo in dawm lai ka hmuh vang a ni maithei..an lawm kher mai...chu lui luang infinna zau lai ah tak chuan han kal pui a nuam ti deuh mai a an cheng lai lo thlir chu thil chak awm tak a ni...dang ro lutuk chu tui dahna chhin chu kan herh hawng a kan khulh ri kak ka a dang ro a hnem tha kher mai...

Mangtha :ni pawh tlak tum tih hriat tak hian a tawlh fual tawh hle mai,bek ah sa em em a a rawn chhun na pawh a rei ta..a rawn chhun fuh laikha chuan in phen tur leh hmai thlan hrukna tur kan melh ruai kha a ni si ..a tawlh liam zel ang nga..kan dam hun chhung ni khat in  a tawi leh ngei dawn si..an in her rem vel boruak erawh a nuam kher mai thli fimin min chhem heuh heuh bawk nen, a nawm hun lai taka ni reng bawk a ni.. a tawk ta e..a hun a ni ta..Mangtha tih hi tawngkam maw tak a ni ve hrim hrim  Ka lawm e ,tih tluk zeta a dawngtu tana dawn nuam chu mangtha tih hi a ni hial awm e...

Chu zing ni chhuak atang a tun hun thleng ah chuan harsatna leh hrehawm tihna a awm der lo ,a va han nuam tak em..rilru ah ngaituahna tha lo leh thil felhlel lamin hmun a chang lova,nun a hlim mahse,thu tih tawp a ngai ta si..a ni tak e..hringnun kan hman hian nikhat hi hlim leh nuam takin kan hmang a kan chen a ,chu nikhat nuam leh hlimawm tak chu Mangtha tia tih tawp a lo ngai leh si thin ..chumi a nih avang chuan chu nunhlimawm tak leh lawmna thlen tu ni eng mawi tak a tlak liam tawh avang chuan kan hun hman tak te ,hnuh chhuah leh theih a ni tawh lo, ni khat a tan vawi khat ni a chhuak a, ni khat a tan vawi khat a tla leh si thin ,chu hun tak chu Mangtha tiin ka thlah liam thei ta..ka hun hman leh ka thil tih te ko kir leh tum mahila mahni kiu liah ai mahin a har ngei ang le... Mangtha Mangtha Dam takin le......