Powered By Blogger
Showing posts with label Article. Show all posts
Showing posts with label Article. Show all posts

Rawngbawlna Hlen

Posted by Pu Maleeya on August 28, 2025
0

 

Rawngbawlna Hlen

II Timothea 4 : 5

Rawngbawlna Hlen tih hi Thupui lar tak leh sawi hlawh tak pawh a ni awm e, a bikin KTP huang chhungah phei chuan kan ngaihthlak tam pawl tak pawh a ni awm e. Thupui pawimawh tak pawh a ni. A hma berah chuan – Rawngbawlna kan tih hian keimahniah engtinnge kan lo ngaihtuah a, engtinnge kan hriatthiam dan ni ang le? Rawngbawlna chu engnge a awmzia ni ta ang le? Rawngbawlna chu kan hmaa tihtur awm apiang rinawm taka Pathian hminga kan tih hi rawngbawlna chu a ni tiin a tawi zawngin sawi theih awm e.

Kan nitin hnathawhna peng hrang hrang te hi kan rawngbawlna hmun chu a ni. Kan hna te hi Pathian min pek a ni a, chu hna thawk thei tur chuan chakna te, hriselna te min pe a, chu hna chu taima taka Pathian ropuina tura kan thawh kha rawngbawlna pakhat chu a ni. Keimahniah Pathian hmel lo lang sela, ti tein kan tawngtai thin. Mahse heti zawng hian sawi ta ila, kan hmelah khan Pathian hmel kha automatic-in a rawn lang dawn reng reng lo va, keimahni hmel tho kha a ni reng dawn a ni, a awmzia zawkah erawh chuan kan hna rinawm taka kan thawha mite fak tlaka kan thawh khan Pathian a ropui a chu chu keimahnia Pathian hmel a lanna zawk chu a ni.  

Kawng dang lehah chuan Kohhran rawngbawl hi Pathian rawngbawlna a ni, nga ti maw? Kohhran lu chu Krista a ni a, Kohhran chu Krista taksa a ni tlat a ni. Lu leh taksa chu a inzawm tlat ang hian Krista leh Kohhran chu a inzawm tlat a ni. Kohhran rawngbawl lovin Pathian chauh rawngbawl chu a harsa mai thei a ni. Kohhran sawisel leh khei khei siin Pathian rawng ka bawl ti ila, rawngbawlna dik a ni angem? Kohhran Aw hi Pathian Aw a ni, tih hi I hre thar ang u.  

Rawngbawlna hlen hi engnge awmzia ni ang? Timothea I & II hi mimal hming pu an ni nain an thu ken avangin Kohhran enkawlna lehkhate tiin an vuah a. Timothea II : Bung 4 : 5 ah khan Tirhkoh Paula’n Timothea a fuihna kan hmu a, engtiangin nge a fuih kan tih chuan a rawngbawlna hlen turin a fuih a ni. Khang hun lai khan zirtirna diklo te a tamin tlukna tur khawp thil kha atam ve hle ni tur a ni . Chutiang karah chuan rawngbawlna hlen turin a fuih a ni.

            Kum alo thara Kohhran, KTP leh Group-ah te mawhphurhna hrang hrang min pe a, tichuan kum tawp alo nih khan rawngbawlna hlen ta veng vengah kan inngai em? Kum khat chhung atan chuan kan hlen ngei a lawm. Mahse chu chu Pathian Thua rawngbawlna hlen a tih nen chuan a in ang lo deuh a ni. Paula hian Timothea hnenah hian kumkhat atan I rawngbawlna kha hlen rawh a ti reng reng lova, a awmzia takah chuan i thihni thlengin Lal Isua chanchin tha thu hi hril zel ang che a tihna a ni. Chu chu rawngbawlna hlen awmzia zawk chu a ni. Kum khat atana rawngbawlna hlen kan tih ve hi chu a nihna takah chuan kumkhat chhung atan kan rawngbawlna kha kan tlak fel tihna chauh zawk a ni, hlen tihna lam a kawk lo.

Rawngbawlna hlen tur chuan engtinnge kan tih ang?

Tirhkoh Paula hian Timothea a fuihnaah hian a rawngbawlna hlen turin thil pathum a tihtur a hrilh hmasa a ni. Chu chu Engkima fimkhur te, Hrehawm tuar te leh CHanchin Tha Hriltu lam hna thawh te a ni.

1. Engkima Fimkhur :

Helaia Tirhkoh Paula’n Timothea a fuihna  awmzia hi chu Engpawh atchilh mai lovin, rilru fim takin ngaihtuah zel rawh, a tihna a ni. Thil kan tih dawn reng rengin rilru fim tak hmangin kan ngaituah hmasa tur a ni, hei hi ti ila, Lal Isua chawimawiin a awm a ngem? Tih hi kan ngaihtuah hmasak a tul hle mai. Chuvang chuan Pathian khawngaihna avanga he khawngaih rawngbawl hna hum hi hlen turin fimkhur a ngai hle mai. Tunlai khawvelah thiamna te a sang tawhin khawvel hi kan kutah kan hum tawh a, kan tuai liam zung zung hi a ni ber tawh a. Kan nun la peng thei tu thil tam tak kan tawng chho mek a. Mit leh beng tlai na tur thil hi a tam tawh lutuk a. Pathian thu aiin thil dang kan tuipui tawh zawk a, fimkhurna tur a tam hle mai.

 

2. Hrehawm tuar :

Hrehawm tuar han tih hian eng ang hrehawmna nge ni ang, hrehawm tawrh han tih pawh hian hriat thiam a har khawpin ka ring. KTP lam hawi zawngin han sawi ta ila, Group Secretary ten whatsapp group-ah zaninah chumi khami te balu chu thiar tur a ni a, hnatlang hi chawpchilh deuh a koh anih avangin member ten i ngai pawimawh hram hram ang u, tih thu an rawn post a, kal loh kan hreh si a, rilru buai duh hle mai. Balu thiar emaw Rawra thiar emaw kha tuman an peih bik loa, tuman an ngeih bik reng reng lo. Mahse rawngbawlna hlen tur chuan chutiang chu kan tawrh ve angai a lawm. Tih fan fan te, tih hram hram te hi ringtu chaklo awm dan a ni lova, ringtu puitling awm dan zawk a ni. Inkhawm fan fan te, Kohhran, Branch leh Group Activities a kal hram hram te hi ringtu puitling zia a ni.

 

3. Chanchin Tha hriltu lam hna thawh :

            Chanchin Tha hril hna ti te pawhin a sawi theih awm e, Tirhkoh Paula khan Timothea kha Chanchin Tha aia thildang ngaih pawimawh zawk a neih a hlau a ni. A awmzia ah chuan chanchin tha chauh buaipui turin a duh a, buaipui tur dik tak buaipui turin a duh a ni. Chuvangin buaipui tur dik tak Lal Isua Krista Chanchin Tha hi i buaipui ang u. Tunlai khawvel changkang zelah chanchin tha nilo thildang min awi tlei tu hi a tam tawh lutuk a, chuvang chuan kan rawngbawlna hi kan hlen lo palh hlauh a nge.

             

 

Posted in

Ti hian...

Posted by Pu Maleeya on November 03, 2011
2

      A chang chuan thinlung hi a na ve thin,Hmangaih midang tana an bei te, ngaihsakna leh duhsakna dawng phak lova awm chang te hian.Thiante an hlat zawh tak a,harsatna leh manganna mal tawrh a tul chang te hian.
      Hausakna leh sum leh paiin min chungdelh chang lehnawmsakna uma hnawl ka nih lai te hian.Beiseina a thamral zawha hlimna a tiau zawh taka hlauhthawnnain min zem a,hmabak thimin mi hmuak ni a... ...a lan chang te hian..

Posted in

Nang tu tana â nge i nih ve?

Posted by Pu Maleeya on November 02, 2010
1

Vawikhat chu London Khawpuiah khuan mi danglam tak a awm a.Nikhat chu."Krista tan a mi â ka ni e" tih hi lian puiin a ziak a,a kawr hmalamah chuan a tar kuau a,Mite chuan an nuih ru tet tet hlawm a.A tuk lehah phei chuan a kawr hnung lamah thu ziak dang a rawn tar belh leh a.Mite chuan an nuih zat lehzual a,nimin ai khan a â zual sawtah an ngai a.Amaherawhchu a hnung lama thu ziak chuan mi thenkhat thinlung chu a khawih ta riau mai a..Chu thu inziak chu,"Nang tu tana â nge i nih ve?" tih hi a ni a.Krista tana â kan nih loh chuan Setana tana â kan ni lo thei lo a ni tih chu an in ngaihtuahna a nih phah ta a,Chupa chu nuihzat ngawt tuir a ni lo tih an hre ta a ni.

>Thalaite Thian

Posted in

Mangtha...

Posted by Pu Maleeya on October 10, 2010
3

Zing dar 5 : ka chhing sek emaw ka tih laiin kan harh zawk mai a,hun vawnna leh hun hriat na chu kan en chawpchilh nghal vat a a dar zat chaun dar 5 a tih a vangin Zing dar 5 ka tih theih phah e...ngaihtuah a buai deuh nuaih mai a..mahse chhungrilah chuan ka phur ru viau bawk si.mahse, a va han peihawm loh thin tak em!!!!! zanlama banga sana in tar chek riin min mutthilh theih tir lo a,tih chhuanlamah hmang dawn ila an pawm awm der ai si lo..tho phawt mai teh ang...

Posted in

Hmeichhe Naupang

Posted by Pu Maleeya on September 29, 2010
0




He hmeichhe naupang te hi Hmuifang Khua mi a ni a,han en mai hian a khawngaihthlak ngawih ngawih in ka hria,an in leh lo han en hian khawsa thei tak an ni lem lo tih chu a hriat nghal mai a,he thla ka lak lai pawh hian ruah a sur cherh cherh a,boruak a vawt ang ren fu a, thawmhnaw lum hak tur a nei lo a ni ngei ang le..Sweet emaw naupang lawm emaw ka lo ak remchang lo kha a pawi khawp mai,thla ka laksak lai hian mak tih hmel deuhin min en a,ka thianpa avangin a tap lek lek nghe nghe.Sum hmunah hian a Pu nge a Pa ka hre lo a lo thu a a lo thlem char char nghe nghe..kan kal san hmain inchhungah a tlan lut ta daih.

Posted in

Ka Lung a Leng!!!

Posted by Pu Maleeya on August 29, 2010
0




Chung Mu vanlai chu sangtakah thlawkin a hram kak kak mai a...chhum karah te chuan in dek-serh ni awm fahran hian a pil zeuh zeuh lah tak a,hnuai lampangah chuan a ril tram hnem tur chuan ei tur a zawng tih  lei a awmte chuan an hre der si lo,thli thaw chuan leia to thing kung lian pui pui te chu a chhem awn dial dial a,mau kung inawt ri te chuan lui dung a tui luang ri her her te chu a lan thei meuh bawk si lo,tui luang te chuan tumah a nghak lem lo ang bawkin tui te chuan a fin tur lam pan chuan an luang dem dem a,chu lui tui kianga pangpar mawi tak chuan a par mawina chu a chhuah nalh kher mai...tiin ka rilru chu a leng kual a...

Posted in

Purun Sen

Posted by Pu Maleeya on August 24, 2010
0
Posted by Maleeya on June 11, 2010 at 6:50 AM




Purun sen hi a va han tangkai tak em..Vai ho phei chuan hmuihmer hi an ngaina a,purun sen hi a serh zinga mei ang a tih theih hial awm e,ani lah taka, purun sen hi chu a tui em a ni,thilkan nan reng a tangkai.....

PurunSen hi han chan hian, mittui hi an tla duh em em mai lehnghal a,a hnun pawr lai hi chung lamah dah ila tlem chuan a zia deuh e, an tih tlat pek chu, amah purun hi han zai lep ila han ei siah siah mai ila, a va han tui tak em ve le aw.....

Posted in

A Poimawh Lutuk ?

Posted by Pu Maleeya on August 22, 2010
0
Posted by Maleeya on June 6, 2010 at 3:28 PM


He hrui a a banpui atanga kan en theina tura Current rawn luan luhna hruipui mai a ni e, a hlu chiang a nia..hemi hi awm lo ta sela chu eng kan nei lo dawn lo zuk ni reng a mawle....a pawimawh khawp mai...hemi avang hian thla tin mai, electric bill kan la chawi phah leh ta nghal.. Bill kan chawi duh lo tiin chep chat ta ila, Current leak chuan min man vel emaw kha nia nga, tih chi loh dawn em avangin chep chat leh lo mai ang...

Posted in

Ka hma a thu...

Posted by Pu Maleeya on August 21, 2010
0
Posted by Maleeya on June 2, 2010 at 1:07 PM



Ka dawn thin!!!! hmana kan nun hlui liam hnu te kha aw....."A bal bal ,a tawp tawp" Pa ang a kan ngaih tlat lai hunte khan.... mual min liam san tawh hnu ah chuan, bei tiseitu leh dawn ti thui tu chu a lo in her chhuak leh lawi si a...Vun chuar tur leh tar kun ni turin boruak kan hip lutin kan thaw chhuak a nih tak ber hi...

Posted in

Ruah sur hnuaiha Scooty nen?

Posted by Pu Maleeya on August 21, 2010
0
Posted by Maleeya on May 31, 2010 at 6:01 AM

Kumin May a ni hnuhnung ber ruah sur chu do in huh huamin ka lirthei nen chuan ka in hawl chhuak a chhuah ve ngei a ngai si..Ka haw lam chu Vaivakawn Kawn ah tak mai khuan Mahindra ho Scooty siam niin ka hre ta rawng sen chi chu ka bulah chuan a rawn ding chik tawt a kan hmaah chuan 407 (Tui phur) a din run a vang chuan tlan khalh theih ni hek lo kan han ding dun ren rawn a, chutah le... kan hma mi motor chu an tlan ta maw tih ah chu Scooty sen chu a dawk ta phut mai a a khalhtu lah hmeichhia a ni si Rain coat uk hain helmet dum a khum a kekawr dum a ha bawk a a kut tin a hnawih leh hnawih loh erawh ka hre lo...rin ai tak chuan a khalh thiam zek lehnghal muang changa a tlan pawn in rahkhalh a tum bik der lo nia..

Vaivakawn Kawn a tang chuan lo tlan chho in ding lamah ve ve chuan kan rawn in zui chho a,rin ai tak chuan a herh tlan chak Taxi kan hma a tlan te chu a lehpel vei zat zat reng a,motor lo tlan chhuk te chu veng thawng lek loin a in zep chho zauh zauh bawk a,a hnungah chuan ka tlan zel a ruah a surin thli a thaw phian bawk si ka si chho vei hlurh hlurh a...rin ai tak chuan ka umphak a har zek,a tlan chak chi ka lo  nih vang nge phei chu ka hre hauh lo kawng a motor tlan an awm loh lai chuan kan herh na ve hret a ka han si ti tih chu a ni ve ta reng mai ,tlemin kan trang leh deuh hlek a ka tlan pel chu a ni ta der mai ka hma a side glass a tang chuan ka thlir reng a a confi khawp mai a rawn tlan chak fu bawk..

Kawng khuar leh tui lo tling te chu a hmu lo der nge mawni a rawn hrelo dai pawp pawp mai a,chutah le chak em em mai chuan mi rawn lehpel leh ta....het tiin an um lui ve leh sak a,ka nghawnga ruah lo far lut chu ka awm lamah chuan a vawt thla deuh raih raih ve mek bawk a...chutah le kan um lui leh ngat a ka han tlan pel ve leh ta mai a chuta tang chuan mi rawn um pha ta meuh lo,Temple kawt kan thlen chhoh chuan Bazar lam pan chuan a in herh phei ta daih mai a....

A tir tak chuan mipa emaw ka ti hial a ni Nula? nisi kha ti em em maia a khawl a thunun thiam leh a hnehsawh kha Aizawl ah hian midang awm ve tak ang maw ti teiin ka ngaihtuah ta daih mai a,a ropui ka ti reuh khawp mai tluk leh intihpalh a hlauh der lo a tum ah khan a chiang niin ka hre ve tlat fimkhur lo leh mawl taka a khawl thunun chu a ni si lo a hunah chuan a fimkhur thiam khawp mai a mah kan en khan te ve lampang a ni si,a seat ah pawh a mawng inhung, a te khawp in ka ring ka hmu thei chiah lo.......Tlanchak suh tawhsual i tawk palh ang nge..tihdam aiin inven a tha tih kha hrilh a ngai dawn mawn chu aw ka ti deuha se a ngaih ka ring lem lo.....hrilh dawn pawh ni ta ila tunge a nih pawh ka hre lo reng reng...

Posted in

Siamtu Ropui

Posted by Pu Maleeya on August 20, 2010
0


'Lalpa`n thil ropui tak te min tih sak a,kan lawm hle a ni'

              Thil ropui tak min tihsaktu Pathian hi a ropui a,chutiang bawk chuan ropui takin mihringte hi min siam a ni.
Hetiang hian ropui takin Pathianin mihringte hi min siam a ni


  • Amah kan fak theih nan"AW"min pe.
  • Kan riltam changa kan lo puar theih nan kan duhzawng ei theihna "KA" min pe.
  • A thilsiam ropui tak te kan hmuh theihna "MIT" min pe.
  • A thil siam rimawi tak te kan hriat theih nan "BENG"min pe.
  • Boruak thianghlim tak kan hip theihna turin "HNAR"min pe.
  • A ropui zia kan puanchhuah theih nan te,hna kan thawh theihnan te "KUT" min pe
  • A ropui zia zau zawka kan hmuh theih nante,kan duhna hmuna kal theihnate "KE"min pe
  • Fing tak leh remhre taka kan awm theihnan ngaihtuah theihna "RILRU"min pe
  • Min hmangaihzia kan ngaihtuah theihnan "THINLUNG"min pe.
             Malsawmna kan dawn theihnan malsawmnain min vur thin a,Kan duhzawng tin reng min pe loin kan mamawh apiang min pe zawk thin.A mah kan lo an theihnan Hmangaihna min pe bawk a ni

Source:   Ms Khiangte
             Missionvengthlang
Lalpa Grep Huan : May Issue 2010

Posted in

Ruahsur-Chawngthansiami Chawngthu

Posted by Pu Maleeya on August 20, 2010
0
Posted by ChawngthuGirl on May 26, 2010 at 3:40 AM

Voiin chu thu eng emaw ka rilru a awm ka han ziak ve ange....

Nizan atang tawh khan ruah a sur nasa hle mai. Tukin zing thleng in ala sur deuh reng mai. Zinglam a ruah a sur tawh hi chuan kum 1995 a boral ta ka Pu kha ka hrechhuak ve ziah thin. Ruah a sur hi chuan Sikul min kalloh tir mai thin a, in lamah kan unauza in kan inkawm hlim thin. Ka la naupang viau nain a nuam ka ti ve thin khawp mai.

 Ka pu kha Middle School Headmaster ani a, naupang te a lainat in a khawngaih thei hle a. Chuvangin ruah a sur a khua a han chhiat deuh chang hi chuan sikul kal a hrehawm thin avangin keini ho chu in lamah ka awm mai thin. Tichuan ama ho in ka infiam a, a nuam ve thei khawp mai. Tun hnu thleng hian ka la ngai thin khawp mai khatiang hunlai kha.

 Tun hnu ah pawh hian zinglamah ruah a sur vak hi chuan in a awm hi a chakawm tlat zel. Office tur a han insiam te hi a peihawmloh rum rum thin. Ka nau te school kallai ho pawh hi ruah a sur chuan kan kalloh tir mai zel.  Chawlh duh vang ve hrim hrim pawh nilo in naupangte tan ruahsur nasa tak hnuaia sikul kal hi a hrehom duh em thin vang zawk ani.

Chuan...ruah sur hi chuan a nuam danglam ve hrim hrim ka ti. Lung te hi a leng duh reuh bawk sia, ngaih em em neilo mah ila..hehehee. Ruah do te hi keichu nuam ka ti thin lutuk. High School ka kal lai pawhin ka do ngun thei lutuk...nuam ve chiang e lom.

 Chuan maw... nuam ka tih leh deuh chu rauh sur zawh chiah a khua alo thian kuk hian a nuam ka ti over. Khawilai hmun poh hia a fiah kuk in ka hre thin. Bakah a nuam danglam ve hrim hrim. Nuam tilo an awm pawh ka ring lo ve.

 Ka ziak ta duah mai....Voiin chu ruah ka do haw theilo tlats...Ka hritlang a chiloh khawp mai. :-)

Posted in

An zawn liam ta

Posted by Pu Maleeya on August 17, 2010
4
An han tawlh kiang deuh suau a,a zawnna tur an han siam rem a,tlangval tawmngaite chuan an zawn kang ta...a zawnna chu an dar ah an dah a..an kal pui ta,en reng chung chuan kawng kawiah chuan an kal liam ta,Aw a va han hrehawm tak em?He leiah a hmel hmuh tur a awm leh thei tawh dawn si lo,Then leh rualten an uizia entir nan a,Pangpar an lo kenkhawm te inchhung a ken luh mai loh chu tih tur awm tawh der si lo,rilru ah hian a na ngawih ngawih zawng a ni e,mittui karah thil engkim chu ka hmu phe ruai mai a,engmah a chiang lo rilru mumal neih theih lah a ni der si lo...Chu rilru tuihal leh nunkhawhar taka awm lai tak chu Sual rawn chet duh hun lai leh thlemna tam lai a ni reng bawk si..mang hi a angin lungngaihna a thuah hnih khawp mai.

Inchung chu a ruak huai hian a hriat a,taksa kim biai si chu kim lo awm tlat a hriatna hi a awm a,awm dan thiam a har kher mai,incchung chu reh tlawk tlawk leh danglam ta vek chuan a hriat a,chu lungngaihna leh harsatna chu mit han chhin vang vang a men rual chiah a kiang thei ni atan a va han duhawm tak em?rilru ah a sakruang leh a hlimthla a lo lang zut zut mai a,dam chhung hunte chhiar liam nan a min kalsan tu kan ko ei thei tawh dawn lo rngawt pawh chuan hrehawm tihna lian tak mai min thlen si a,Mihring tan vawikhat thih ruat a ni tih chu ni bawk teh mahsela,a kalsan tak te tan chuan hriatthiam leh pawm dan hriat thiam a har teh zawng a ni e.la inkalsan tur vek chu nimahila a kalsan a tan hian tawrh thiam a har ngei a lo ni e.

Khawvel ram zau tak ah hian mihlun tur leh dam hlen tur kan awm si lo,duhamna leh itna te hiankan nun ah hmun chang tam viau mahsela feet Thum(3) Feet ruk(6) Feet ruk(6) bawka thuk bak hmun chan kan nei dawn si lo..chu kan ui em em chu leihnuaiah tawih ral turin phum a lo ngai ta si. Mihring nunna hi hlu viau mahsela nuna ber a awm tawh loh chuan mihring ruang hi thil tenawm tak leh rimchhe tak a ni lawi si,nunna hian mihringte hi min lan mawitir mai bakah hlutna nasa takin min lo pe a ni...

Thlan kotlang atnag chuan mittui karah "Mangtha Aw"tiin kan han inthlah liam a,chu thu chu an tana kan sawi theih leh kan tih theih awmchhun chu a ni ta mai si a,an ni lah chuan min chhang der si lo ngaihtuah na fim chu chhum dumin a lo hliah khuh a lungngaihna leh hrehawmna chu ruah tui ang maiin a lo thleng si a,rilru natna leh khawharna hnem tur chuan Min siam tu Pathian bak belh tur lehinnghahna tur a awm si lo,nun hi a va han hrehawm tak em.....Lungngaihna leh buaina namen in min tlakbuak a ni si a,Inchhung nawmna leh min uap lumna te chu thihna kut vawt leh thihna tur chuan ei chhia in,hmun a chang ta mai si a,rilruah chuan min lo phum tel ve law law lo kha aw tih leh,lo kal ve nghal mai ilatha tur tih kha a thunawn a ni fo si a...thutlukna leh rilru put dan tur siam thiam a har ngei mai..

Mihring a lo pian tawh phawt chuan a la thi dawn si a,upa lah naupang thalai,nula tlangval tumah thliar anei der si lo,damlo rei tawh tak hrehawm ti em em a awm pawh thisela a tan a tha zawk ang tih pawh,an nunnahan tawp em atan chuan tuman kan duh bik der si lo,an hmunruah rawn luahkhat tur kha khawvelah an mahni ang midang an awm miau si lo a..Nunna hi a hlu nunna hi a pawimawh mihringte mimal tin te hi,a dam laia Piantharna leh chatuan nunna a neih loh phei chuan chatuan chatuan in a thi hlen dawn a,chatuana nuna a tan hmuh tur leh beisei tur a nei dawn si lo..Thihna leh inthenna ten hringmi zingah thla zar mahsela nakinah vanah kan la intawk leh ang tih hi Ringtute beiseina leh kan la tawn tur chu a ni si a.

Posted in

Zu Khap Burna Hmunah

Posted by Pu Maleeya on July 23, 2010
0
Zu hi Thil a ni!a ni miau a lawm,in hian a ruih theih,nuihzabura min siam thei tu a la ni zui a tha reuh lutuk,Ka nghei leh mai ang tih ai chuan in loh law law a chi maithei.

Mizoram hi ZU khap burna ram chu a ni ve ngei a,man tur leh in tur lah chu tu fa mahin an nghei der si lo,pawisa awm phawt chuan lungphang na tur awm hauh lo e,Zu lei tur a tam lutuk tlat,hetiang tak hian man tur pawh hmuin man chiam mahsela man loh hi a va han tam dawn tak em???

Zu Khap burna dan hi hlip ta se,chhiah te hi la ta zawk se..a tha zawk ang ngem aw....Lo ngaihtuah zui ve mai mai ta che...

Posted in

A chhun tuk a!!

Posted by Pu Maleeya on July 21, 2010
0
A thian te chuan "Di rial lova" tiin an ko mai thin, a chhan chu a Bialnu hi Khumbetin a ngaizawng tlat a lawm, a leng zing lutuk leh an in hmu zing lutuk hi a thiante chuan, "a nawmna pawh a awm awm love" tiin hnung lam atang in an sawi huai huai thin. "Di rial lo a dik tak a ni e",an ti huai huai si a,a mutbu a pu lut lo chauh hi a ni deuh ber mai," Zawn awlna" ti te in a bialnu te in chu an sawi chamchi,an dem awm lek lek zawk "Hetiang em em a ,an han in hmuh zing pawh hi an tlin reng reng, in nei ta se an in hne ve ngawt ang" tih te chu an sawi dan chu a ni si a.

A mak khawp mai, an in hne lo a ni chek ang chu, zan tin, ni tin mai hian an in hmu reng mai si a,"Chhunah te pawh a leng thin nia,a chhun tuk leh tawh" an ti mahse,Pathian duh dan leh thianghlim takin an in kawm lawi si..Thianghlim taka inngaizawngin Inneih hnuah chiah Sex hman an tum ve ve thung si...an lawmpuiawm mathlawt e,Khawvel mite hmuh leh hriat a an sawi dan a ni a,an lo bawhchhe ru a nih chuan,kan sawi phak a awm love..eng tak lo thleng ang maw.

Kum fe chu a ni ve ta,thangkhat lian dawn te pawh a ni lek lek tawh ngei ang ....a tehtu zir a ni thei ang chu,midangin inngaihzawn tih an tuipui hma leh an hriat hma atang daih tawhin an lo in kawp tawh hi a lo ni a,a rei ve ta ngar ngar hle mai tih chu kan sawi theih a ni..A lawmawm e, i lawmpui ang u,innei ngei rawh se,han intihthiam loh a an in tih thinrim pawhin a hnu lawkah inngai awm em em in an lo awm dun leh rawl rawl lawi si...a lawmawmin a tha zel turah ngai ang...

Mahse,khawvel a awm kan ni a famkim lo kan ni mi sawisel reng reng leh mite chhiatna sawi nuam ti mihring kan ni miau si a,mite mit hmuhah chuan, a tawk chin hi chu a awm a ni lawm ni thil reng reng a, a uchuak a thlen tawh hi chuan a pawi thin ,mite hmuh dan hi a dik ta lo thin,he thu hi lo chhiar fuh ve hlauh sela inhmuhchhuah nan hmang hlauh se aw..........

Posted in

Inkhawm

Posted by Pu Maleeya on July 20, 2010
0
Inkhawm leh inbual chu thil inchhir awm loh tak a ni an ti a dik hmel viau...Mahse tunlai chu kei erawh zawng ka inkhawm tlem ngei mai..Kum 20 liam ta han ti ve khanglang ila vel daih tawh khan ka nun dan leh awm dan ka dawn kir thin a mak ang reng,a chhan chu Kei hi mi mak nge ka nih in ti mak pawh ka hriat tak loh chu ka tet lai atangin Sunday Sikul tlanbo ka ching mauh mai,engnge a chhan pawh ka hre lo,
Pathianni zingah chuan hma takah chuan kan tho ve mai thin a Tukthuan ei lai a tangin ka lu te ka pum te a na der ta thin a..ka la mitthla ruai ruai thei,inkhawm ha thih hreh tak zet hian ka hreh a,inkhwm peih lo na na na chuan arin a awm bak ka chang ngai lo,arin ah Sunday School chhung zawng ar te nen a hrik nen lam hun kan hmang thin kha a ni a,ka luh tirh te chuan ka mittui te pawh a tla ta ve ang,naupang sual tih takah sawi vek lo mai ang tun hnua kan ngaihtuah leh hian Ka zak em em a mi zinga awm kha ka hreh hle ni awm tak a ni tun hnua kan ngaihtuah leh vang vang hian a mak khawp mai......
Inkhawm ve zut thin kha tunah chuan a lo tla chhe tran ve leh ta,kumtir kha chuan ka inkhawm ve deuh zut a mahse,thatchhiatna ani ta ber ang chu chutiang chuan mi rawn luhkhung a,ngaisakloh na leh tihluih peihna a hnawk kiang a ni chek ang chu maw...inkhawm khat ta raih mai le, a va han thatchhiat theih tak e aw...kum bul tran that chu a chanve zo ang a ni ti teh mahsela, inkhawm lamah hi chuan, a bul tan that pawn awmzia nei lem lo,tan mar pawp, kawh taka tan mar kawh pawt a ngai a ni deuh ber mai.A thatchhiat theih khawp mai inkhawm loh hi chuan kan beng hi hawng lo thin khawp mai a inkhawm programme hriat ringawt pawh hi thil hlu a va ni tak em..Inkhawm ngai lo chu kan ti deuh huih ni hian a lang deuh tlat.

Chutin inkhawm ngai lo e tih lemah inkhawm lo teh thak chu ka ni duh bik lem lo a rei leh deuh tawh e,zan khat chu ka va inkhawm ve teh nawlh a ,inkhawmna thuthlengah chuan a phah dup an lo dah vek tawh niin,a zahthlak deuh rum rum hial ka la muthlu hram zui inkhawm chhung an rei lo teh lul nen,an chhuak em em mai lehnghal a,ban hla sak chhung zawng mit thip rumin zuk han ding pek a mawle ka lo mutui hman viau ni tur a ni...

Inkhawm hi ka va han thatchhe tak e aw....chutih lai vek chuan nikum 2009 KTP inkhawm zawng zawng ka inkhawm kim leh lawi si,a lawmawm khawp mai,ka theihna a ni hauh lo hriselna min petu hnenah lawmthu awm mawlh rawh se... Chtuin, inkhawm peih leh inkhawm tura kal ka hmuh te hian ka sawisel ve lem lo tute emaw chuan hruaitute an sawisel a an tlin lohna leh an fellohna hlir sawiin inkhawm an tui loh phah thin a,chu tiang lam pawh a lang ve lem lo inkhawm lo ve tawp a ni mai.....
"Nakin ah hian Inkhawm dar ri reng reng hriat tur awm tawh loh na hmunah hian i awm palh hlauh ang nge"

Posted in

Ka Nu Lo Haw Thuai Thuai

Posted by Pu Maleeya on July 20, 2010
0

"Ka nu ka nu lo haw thuai thuai: tlang ah ruhpui a sur e...
Sakhilampeng rawn zawh la lo haw thuai thuai ang che….
Tih hla sain kan tet lai chuan hrawk phiar tawng trawnin kan zai thin, kha tih lai hunte kha a va han ngaihawm tak em ve aw...tun hnu ah hian kan thil tawn leh kan nun phung a lo in her dang lam ta bawk a ni ang nge, kan tawn hriat a zirin thil a lo dang lam zo ta ni te pawh hian a lang kha tiang hla han sa ngawih ngawih awm naupang pawh an awm ta meuh lo a nih hi maw...

Nute (Mother) hi an lo va han pawimawh tak em,Sikul naupang sikul atangin inah an lo haw a,inkawngkhar a luh rual rualin khawnge Ka nu? an rawn ti lut nghal a,Nga tan nge I tih tih lahin ,Ka hre duh mai mai tih zawng chhanna a ni si,Aw Nu te hi an va han hlu tak em.
Chutin,Nu hmangaihna hian Pate hmangaihna aiin a fa chu a hmangaih hle si thin niin a lang,ngati maw ela naupangin a Ka Pa tia a koh ai chuan Ka nu a tih zing zawk avang hian a hriat mai awm a sin mawle Pa chuan a fa chu a hmangaih tak meuh meuh a chet zia leh tawngkam hmangina lan tir kher lo, Nu erawh chuan a chetzia leh a nun ah hmuhtheih a lantirin, chu thil chu naupang chuan a lo hmu reng si a,Mahni hringtu nute hmangaih lo hi, he khawvelah hian an vang ta ve ang,Nu hmangaih let ve nachang hre lo chu,Mengreng chung si khaw hmu reng chung si a mitdel niin a lang,
Sap Pachal pakhat pawhin,Nu zawng zawng hi ka nu ang nit a vek sela Khawvelah hian Tanin awm a ngai lotur a lo ti hial reng a ni..Damloh te pawh hian a nih tlak hi kan khua a sik a hrehawm ti em em a kan awm pawh hian kan nute kan bula an awm chuan kan thla a muangin,nuam ka ti thin a nih ber hi,naute mawlh hian a Nu chu a hria a nuin an pawm a an awm hi chuan thlamuang takin a mu siai siai mai a nih hi...Ka nu lo haw thuai thuai tlangah ruahpui a sur e.....

Posted in

Ruah Sur Vangin

Posted by Pu Maleeya on July 20, 2010
0

Tunlai chu rua a tla deuh reng mai a Nihliap ken loh chuan hna tam tak min thulh tir ta thin..inchei nalh leh mawi taka len chhuah pawhin mi bathlar hul lai kan zawng ruai ta ber a nih hi...a va han hrehawm thin tak em thli a thawt tel phei chuan hrehawm duh tak hi a ni ringawt chu mai bakah ruah han do teh ngawt hian hritlan leh khawsik a awl em em zui lehnghal a....mak ve tak chu ni...
Ruah hi tunlai a sur deuh reng avangin nihliap pai mai hi a finthlak in a tangkai khawp mai ruah sur avanga tih tul thulh fo hi tunlai hna changkang in ti tawh te tan chuan a tha ber lo hial maithei e....
Rain rain go away come again another day !!! lolzz

Posted in

Ganja Hmunah...

Posted by Pu Maleeya on July 20, 2010
0


Karbi anglong Deo Pani a kan kal trumin lui dung tawn tawn ding leh vei ah chuan Ganja kung puitling tam em em mai a lo awm treuh mai a hetiang a Ganja tam hi ka la hmu ngai der lo nia tam tak hi ni ringawt...
Lui dung tawn tawnah a awm thla vek tih theih a ni e a lei to na hi balu lei deuh a ni in ka hria a khhua a mi te hian an zu ngai lova sumdawn nan pawh an hmang ngai lo niin an sawi tual to a nih ber chu a tam dan leh a kung nun zia hi a mak khawp mai heti tak mai a Ganja a lo tam hi dam chhung in ka theihnghilh tawh kher lo mai thei e....

Posted in

A Lanna Tlang Dang

Posted by Pu Maleeya on July 20, 2010
0

A ni lah taka Nula hmeltha deuh te pawh a mawl huih chuan belhchian an dawl lo thin a ke a lo khik ngat phei chuan,angaihna awm lo tawp...chutih a hnu a lanna tlang dang atang chuan a fel leh thlup mai si thin a nih ber hi...
Khawvel hrut chhuak tur hian pawisa ka nei der lo mahsela khawvel kawm tur chun inchhung lum atngin a tih theih lawi si khawvel danglam chak zia leh khawvel tet tawh zia hi ha hipa sawi tlak a ni ngei mai..Khawvel erawh a chakna te chawpin a boral mek a ni tih hi a dik zia a lang zelin a hriat.
Chu a lanna tlang dang chu engtin maw..midelin Sai an khawiha an hriat dan leh an tawn ram a in ang lo ta threuh mai apkhat chuan ban angin a hria a pakhat chuan hmunphiah angin pakhat leh chuan bang angin pakhat leh chuan thlangra angin..Tu te emaw ang a kan hmuh leh hriatte hi sawi lovin kan awm thei lo han tih ngawt hi tunlai khawvelah chuan a him chin leh a him lo chin a lo awm ta a nih dawn hi.....
Chu chu eng tin : a ni lah taka a lanna tlang danga kan thlir thiam loh chuan khawvel hi buaina namen lovin a lo awm dawn tih na Kha mah aw..Nula pakhat a lanna tlang dang atanga kan thlir thiam avangin in tual vuak na a thleng lova Pa leh Pa chemtum huma inum pawh kan awm der loh hi maw...a ni lah taka,chu ti a nih a hnu...thlirna tlang dang hian mihring nunah thu a va han sawi thui tak em..Politik ah han zuang kai ta ila Party worker rinawm tak tak te hian an dinhmun hi tlang dang atangin an thlir ve angem? thlir ta se an pawl an sawi chhe duh ang ngem tih pawh zawhna awm thei tho a ni..a ni si lo sawi chhuah tul leh tha an tih chu an sawi sawi awm leh awmloh chu an hai der niin a lang..ngaihtuahna sual leh a al hneh em avanga bual ata mihring kan lo awm hian thatna nge a thln tam ang chhiatna zawhna lian tak a va han tling tak em..
A Lanna tlang dang a tang chuan thil reng reng hi a lo danglam thin a nih hi tiin he thu hi ti tawp dawn teh ang khawi nge khawvel pawh hi a thim zawng ringawt a thlir loin a eng zawngin thlir ila nun nuam leh nun zangkhai kan nei dawn a lo nih chu mawle.....lungngai leh beidawng a awm indawm kun mekten a lanna tlang dang awna thil kan thlir thiam chuan kan lungngaiin kan in dawm kun reng tawh bik hauh lo ang..i awih zawng a nih loh chuan i pawm zawng a ni thei lovang....A lanna tlang dang chu i kutah leh i thlir dan leh i rilru suk thlek ah dah daih ang.......


Posted in

Subscribe to: Posts (Atom)

Archives

Followers

ENGE?

Blog Archive

Category

Article

VIEWS