Ka Lung a Leng!!!

Chung Mu vanlai chu sangtakah thlawkin a hram kak kak mai a...chhum karah te chuan in dek-serh ni awm fahran hian a pil zeuh zeuh lah tak a,hnuai lampangah chuan a ril tram hnem tur chuan ei tur a zawng tih  lei a awmte chuan an hre der si lo,thli thaw chuan leia to thing kung lian pui pui te chu a chhem awn dial dial a,mau kung inawt ri te chuan lui dung a tui luang ri her her te chu a lan thei meuh bawk si lo,tui luang te chuan tumah a nghak lem lo ang bawkin tui te chuan a fin tur lam pan chuan an luang dem dem a,chu lui tui kianga pangpar mawi tak chuan a par mawina chu a chhuah nalh kher mai...tiin ka rilru chu a leng kual a... A rei ve ta khawnge maw,kan naupang laia ka sikul luh pui thin ho te kha an awm tak ang le..tun hnuah hmuh tur an awm tawh der si lo,khawilamtluang tak zawh hlawm tak ang maw tiin varanda ah chuan ka dak vauh vauh a,nunhlui kan dawn let hian ka thian ka bula thu thin ngei ngei te pawh an sakhming ka nghilh zo ta..eng tikah tak in hmu khawm leh ang imaw..ka lung a va han leng tak em..ti emah chuan kum 20 lai a lo liam ve ta reng mai si a,khawi lai ah tak chuan awm hlawm ang imaw min rawn hre chhuak ve thin ang ngem tiin ka ngaihtuah rauh rauh mai a....bei tidawngtu leh rin thiam harsa chu famlorungmuala zal te engzat tak awm tawh ang maw? tih mawlh chuan rilru a ti kal thui...Khuanu malsawmna zarah chu em chu thleng lo tur chuan ka beisei hle....a ni khawp mai han in zawn chhuah dawn pawn tih ngaihna a awm der si lo..tih theih chu nisela han inhmuhkhawm leh vek ka va han chak tak em.... Heleiah hian inhmu tawh lo mah ila Kan thihhnuah Van ramah kan la inhmu khawm leh em ang chu maw tiin ka rilru chuan a ngaihtuah rauh rauh a ka lung a leng em a tin ni,ral leh lama ar kak dial dial te chuan lung a ti leng zual emaw tih mai tur hi a nia...an hlim vang nge an khawhar vang lah ka hre der si lo le....engpawh chu nisela ka lung a leng a ni e..Thian hluite ngaih hi a lo na ve khawp mai tiin in chhungah chuan ka tih turte ti chuan ka lut ta daih a...