Purun Sen

Posted by Maleeya on June 11, 2010 at 6:50 AM

Purun sen hi a va han tangkai tak em..Vai ho phei chuan hmuihmer hi an ngaina a,purun sen hi a serh zinga mei ang a tih theih hial awm e,ani lah taka, purun sen hi chu a tui em a ni,thilkan nan reng a tangkai.....

PurunSen hi han chan hian, mittui hi an tla duh em em mai lehnghal a,a hnun pawr lai hi chung lamah dah ila tlem chuan a zia deuh e, an tih tlat pek chu, amah purun hi han zai lep ila han ei siah siah mai ila, a va han tui tak em ve le aw.....

Tin, Purun sen hi mak na deuh a neih chu Hostel awm thrang chuan an hriat vek a rinawm!!  zai lep hi zakhnuiaiah dah hian khua hi a sik hlawrh hlawrh thei nia, mak ve deuh chu ni..... Eng tin tak thawk kual ang maw....mak ka ti tawp he thil kher kher hi chu...

Chuan Police/Sipai hoin, mipui hnawh darh nana an hman thin, Mittui tlakna hlo (Tear Gas) an tih ang chi hian, Purun hi a ngam lo an ti tlat bawk..Mittui tlakna hlo an hman chuan, purun khan mit leh mit ko velah  tat ila, mittui a tla tha thei lo an tih tlat pek chu!!!  a mak khawp mai,kei phei chuan ka la chhin lem hlei law.....tih tur pawn ka lamah Police hoin mittui tlakna hlo an la rawn vawm chhin ngai hauh lo,ka sual dan hi ka la sual tawk lo a ni ngei ngei ang..

Tin,kan tet lai khan Lamkhuang kung a lawn hi kan hrat ve thei khawp mai a,Chu kan lawnna thin, Lamkhuang kungah chuan Khuai Sanghar hian bu neih hi an han hrat thei em em mai lehnghal a,tichuan min zuk ta thin a, a na thei kher mai purun sen hi kan hnawih vat zel a ngeih leh ngeih loh pawh ka hre chuang lo a ngeih a ni chek ang chu maw, zan velah a nat leh pawh ka hre tawh lo e a...Purun sen aw purun sen....