Ti hian...

      A chang chuan thinlung hi a na ve thin,Hmangaih midang tana an bei te, ngaihsakna leh duhsakna dawng phak lova awm chang te hian.Thiante an hlat zawh tak a,harsatna leh manganna mal tawrh a tul chang te hian.
      Hausakna leh sum leh paiin min chungdelh chang lehnawmsakna uma hnawl ka nih lai te hian.Beiseina a thamral zawha hlimna a tiau zawh taka hlauhthawnnain min zem a,hmabak thimin mi hmuak ni a... ...a lan chang te hian..
     Mahse lawmna pakhat ka nei,Zana mu thei lova,ka leh ka leh chang leh thinlung baihvai leh khawhara nunhlui ram ka chhui let chang te thinlunga duhthusam ram thlir a hmalam eng ka thlir hram hram lai te hian.Ka hmelhriat nawlpuite ka belh ngam tawh loh hnu a ka tana inhuam reng an awm tawh loh hnu leh ka thisen zawmpuite bak pan ngam ka nei tawh loh laite hian.Thinlung rum tlawk tlawk a,,hmuiphun pawh a Pathian ka ngen ngam tawh loh a,thlunglu kuaikuna luaithli hnam chunga zahngaihna ka ngen lai te hian,Hmangaihna mitmei hmu chung a pachhiat leh reitheih avanga ka hriat ngam loh lai te,a tui tha thlang thei lova,ka thisen zunzam chhukchho nawrkal tur a ka neihchhun ka bar hram hram laite leh natnain mi bawrh changte hian..
     Thinlungah i hming a lo ri thar leh thin a,mitthla i hlim hmel lo lang leh thin hian ka tawrhna ata mi chhawk leh thin a,hriatphak loh thahrui ka tisa ah hian a zam thar leh thin nia.Tlang leh mual tamin kar min danin hriat phak lohinlaichinna hrang hrangin nunkawng dang min zawhtir tawh mahse,ka tana i pek thinna khan chakna mi pe thar leh thin a,

Thian tha nang ang ka nei che hi ka va nihlawh em!!!! - Zara

(Zara hnen ata lehkha ka dawn,eng rilru puin nge mi rawn thawn ang aw,ningZu a dawn ka ring si lo..Di ngaiin mutmu a tuah alh thei lo a ni ngei ang le...)