Hmeichhe Naupang

He hmeichhe naupang te hi Hmuifang Khua mi a ni a,han en mai hian a khawngaihthlak ngawih ngawih in ka hria,an in leh lo han en hian khawsa thei tak an ni lem lo tih chu a hriat nghal mai a,he thla ka lak lai pawh hian ruah a sur cherh cherh a,boruak a vawt ang ren fu a, thawmhnaw lum hak tur a nei lo a ni ngei ang le..Sweet emaw naupang lawm emaw ka lo ak remchang lo kha a pawi khawp mai,thla ka laksak lai hian mak tih hmel deuhin min en a,ka thianpa avangin a tap lek lek nghe nghe.Sum hmunah hian a Pu nge a Pa ka hre lo a lo thu a a lo thlem char char nghe nghe..kan kal san hmain inchhungah a tlan lut ta daih.

Khawsa va tawk tawk leh khawsak harsa deuh han hmuh hi chuan kan vanneihzia leh malsawmna kan dan nasat bik zia hi ka hrechhuak leh fo thin,keini aia khawsak harsa han hmuh leh han tawn hi chuan rilru hi a na ve ngawih ngawih thin,harsatna leh buaina te hi chu tawk vek thei leh hmachhawn vek tur chu kan ni ngei mai a mahsela,nitin a thlansa kul taia ei zawng  a,hna rim tak thawk han hmuh leh an khawsak dan phung leh an dinhmun han hmumpui hi chuan rilru hi akal thui duh khawp mai.Mahse la Pathian an hriat chuan Aizawl a ni emaw Zoram dung leh vang a ni emaw Officer Eiru hausa tam tak ai chuan a let tam takin an hlim zawk,Vanah an lawmman tam tak a awm dawn si a.

Naupang te hi an lawmawmin kal sawn san mai hi an har thin em em a,tuna mi pawh hi kan kal lam kha chuan min hmuh veleh rang deuh maiin inchhungah a tlan lut nghal daih a,mahse kan haw lam chuan kawngka biang vuanin a lo ding tau mai a ni.Mit takah a en kal reuh a a khawngaihthlak reuh in a lainatawm khawp mai..Kawt a lo awm chaw chhum tur lo sil mek hnenah chuan "Chaw ei tui ule"kan ti a,kan kal leh ta mai si a.