Thuawihna

Kum engnge maw zat liamta ah khan Pensylvania biala khaw te tak te Johnston khua an tihah chuan, Civil engineer ho an lo thlenga,Tlangah an chho a antuikhuah an endik a,chu tui chu an khaw awmna ruama luangthla a ni a,an kir leh a khua a mi te hnenah chuan,"Tuikhuah hi a rinawm tawk tawh lo,a dinhmun hi a tha tawh lo hle a ni"tiin an hrilh a.Mipuite chuan,"Min tihthaih thei chuang lovang,kan hlau lo" tiin an chhang a.Tuikhuah chu an endik leh a mipui hnenah chuan"kan hrilh lawk leh che u darkar tinin in dinhmun hi a hlauhawm tial tial a nia,"an ti leh a an ni chuanan nuihsan a."Min ti hlau thei chuang lovang i duh chen chenmin sawi thaih rawh u"an ti a.Engineer rual ho chu tuikhuah ah chuan an chho leh a,an rawn let leh chuan a hlauhawm zia bawk chu an rawn sawileh a,Anni ho lah chuan,"Chutiang chu vawi tam tak kan hre tawh,min tih hlauh chu han tum eng ang mahula kan hlau chuang lo"tiin an chhang leh a.

A hnu ni 15 pawh tling lo ah chuan tleirawl pakhatchak deuh maiin a sakawr chunga chuang chuan,tuikhuah lam atang chuan a lo tlan thla a,"Kan tuikhuah a sah ta,tui a lo luang mek tlan rawh u",tiin a rawn au tuar tuar mai a,Mite chuan an lo nuih mai mai a,a ni chu a tlan zel a,a hnu reiloteah chuan tui chu a lo thleng ta.Minute sawmthum pawh tling lovah chuan  Johnston khua chu a chim ta vek a,mi 3700 zet mai chu a rualin an thi ta a.

Nang pawh hi vawi tam tak boralna laka i him theih nan hrilhlawk i nia ,Mahse i awm ngaiin i awm reng a,i ngaihsak duh loin i hlau chuang hek lo.."Min sawi thaih chuhan tum teh i ti mai mai ni lawm ni"