Naupang Insual

A rei ve ta deuh e, nikum hmasa lam a ni ta in ka hria.... ka hre chhuak teh thut a, kan chhu hang ve leh mai mai teh ang, Ka class kal haw lam chu ka hah hle mai a,ni lah chu a sa em em mai lehnghal a,kan in lam pan chuan ka kal hnak hnak a,tichuan kan in kawi khata ka la thleng lo tih ah chuan he thil hi a lo thleng ta,naupang pathum pali vel chu an lo ding bial trai mai a,pakhat chuan Football a lo keng nghe nghe...an thil kil bial chhan chu kan en nakchuan, naupang pahnih rum em em maia in melh rum chu an lo kil thap a,naupang laia insual hrat em em mai ka nih avangin, thelh chi ah ka ngai der lo,kan ding khawmuang ve dat a,naupang ho chuan min hmuh veleh chuan an thiamthu leh a ti hmasa nih kha tiin min lo hrilh nghal thuai thuai a,ka nui mai a, ngawi reng chuan ka en ve ta ngawt a.

 

Rei fe mai hnai tawka an in melh rum hnu chuan, an dar leh dar chu an in khak deuh bap bap a,a tu a mah chu kut han inthlak lah chu an tum lem lo, an hmanhmawh lo hle zawk hi a lo ni,an pahnih ve ve chuan an kut erawh an hum ruh hle mai a,Khawkherh pawh hum sela an hum keh hial ang tih ang vel hian a ruh in a lang,chutah le..an in en hnai tial tial a, an in rum tial tial bawk a,pakhat zawk chuan a ke an per dat a,a lian zawk chhuk melh deuh chuan, a te zawk chu a nghawngah a kuah pah chuan.. Ke Nako!!! ti niawm takin chet a la ta thut a,ka en vang ni maw ka hre lo? chutah,a te zawk chuan a lo kuah ve nghal bawk a, chutah, chhuat charah tak mai chuan an han in keuh ta thuai mai,a rem dan dan chuan an in hnek ta zawt zawt mai a,an sira naupang ding te chu an lo zuang tawr tawr hlawm a.

An insual chhan kan zawh chuan,an inkhelhna ah a te zawk chuan a lian zawk T-Shirt fai rawn hak chhuah ah chuan a pet per a, a balh vang a lo ni a,a hma atang reng reng in a nuapang leh a te zawk hian a lo chhaih thin hrim hrim a,an ti sap sap a,chutah le naupang pakhat chu a au thrawt a,"A chal a puar lian lutuk a nia" tiin a rawn au a,kan thlek dak dak a marble tiat vel hian a lo pawng a,a duk deuh raih bawk a, zan ah chuan a sa ve hat hat ngei ang le tiin ka ngaihtuah a,inhnek pawh an tum ta lem lo bawk a,chhutah chuan pawr phangin an inkuah ngawih ngawih ringawt tak hnu chuan ka kaitho ta a...

Thoh chu an hreh ve khawp mai,mahse, fel tak chuan an tho ve ta mai a,an han in melh rum leh ang ren rawn a,mahsela,Chal pawng par mai a te zawk chuan a tlin ta lo,a mit ah chuan mittui a rawn parawl kiau a,a tap ta faih faih mai a,a lian zawk pawh chu a inthiam lo hle tih a hmel atang chuan a lang chiang hle,mahsela arpa chan laia tah chu thian dangte chuan, an hmusit in an ngainep ang tih a hlauh avang chuan a insuam ve mai mai niin ka hria...Chutah le Insual that loh zia te kan sawi leh hnuhnawh a,a te zawk chuan a la fuh viau ni ngei tur a ni, tap deuh pir per chung chuan a bu nghauh nghauh reuh a,tichuan, insual an tum tawh loh thu min hrilh tak avang chuan ka haw san ta.