Showing posts with label Humor. Show all posts
Showing posts with label Humor. Show all posts
.
Thla chu a va han eng em ka ti mai a, a eng hle nghe nghe a,thil ri sung sung tui khawhthla ri ni awm tak ri deuh sung sung ka hriat leh mai si avang leh mak ka tih em avang chuan ka ngaih tha lo chu pawnah ka va chhuak a, eng lem mah ka hmu lo a,a hnu deuh chuan kan hawi kual a kan dak vel a,engmah ka hmu chuang lo,ka lo hawi zau tawk lo ni ngei tur a ni,thil kiu ri chu engthil nge ni dawn aw tiin ka ngaihtuah a TV-te hi kan Off lo nge Radio te hi On-in ka mutsan niang tiin kan en kual a,a lo in Off tha nasa mai..Radio chu a battery a lo awm awzawng lo..
Mut tuma kan insiam leh chuan thil kiu ri chu a rawn hnai ta riau hian ka hre ta..kan kawt hla deuh hlek a, hmanhmawh taka rawn tlan ri deuh hlawk hlawk hi ka hre tel thei viai viai a...Kawngka bul atang chuan min rawn ko a,Ei leh kawng hawn chu ka rual a,kan Quarters piah deuh hlek a awm te, Patling 3 hi an lo ni a,lo chhuak vat teh an ti a,Ramhnuai lam chu an kawk a,"Nichin deuh mai khan sawta tang sawn thil bial eng kual pap mai chak deuhin kan chhak tlangah khian a thlawk chho a,Luipui chhak tlang a Bung-(thing) zawnah sawn rei tawk tak a awm a a ni hian a hmu a min rawn kaitho a,khi khi khi tlang a khi a la awm reng khi",an ti a
Kan en vat a, a mak hle a ni,Thlengthlawkthei!?!?!?!?! ka hmuh vawikhatna hla takah chuan ka han hmu a, thla eng chuan a Thil (thlengthlawkthei???) bang te chu a rawn chhun tleu a,a hnuai kual niawmtak lamah chuan eng a de that bawk a,a mak duh ngei mai,a hnu rei lo teah chuan tlang karah chuan a tawlh liam ta a,boruakah min 7-10 vel chu che miah lovin a ding niin kan hria,a hlat tham deuh hlek avangin a hmunah han kal na hman erawh a awm lo kha a pawi...
Hman atang tawhin helai velah hian hetiang thil mak deuh deuh hi an hmuh zeuh zeuh tawh thu leh kan thil hmuh chu mak kan tih thu kan sawi ho: UFO A NI THEI A NGEM ????
E khai awwww
Posted by Pu Maleeya on August 25, 2012
Ka dem lo che asin....
Posted by Pu Maleeya on August 24, 2012
TUm ran ran a chhut sual chu vang ve khawp mai,tum luih ngar ngar ni miah si loh hian hriat loh lai tak hian kan lo chhu sual leh khut thina pawi viau na,a lo remchang hlauh a blog hnawhkhah nan a lo remchang phian mai.....
Caprain hi Rengpuia chhut sual an tia a hnuai zawk a mi erawh hi chu ka hre hauh lo nia.....
An fapa nupui nei ve zawk pathlawi a chang ta chu partition wall ringawt a pin lehlamah chuan a khawsa ve bawk a,Inthlahrung reng reng suh u,mamawh in neih chuan rawn sawi ru engmah thil dil inhreh loh tur tiin inchung lam nen chuan kan in dawr a,kum 2 a la pumhlum lo deuh hlek..zan lama nula rim haw lo luh khawmna ber a lo ni laklawh mek bawk si a,kan va han hlim thei tak em aw!! Zan rei kan sawi lo kan thil tawn lehhmuh kan han sawi khawm a zankhaw tai rek pawh sawi loh kan tuk chhuak tep zel fo mai,lehkha zir chu sawi loh mut pawh a theih loh a ni ber e,sum thu ah erawh eng insen ngai awm hek lo,ka neih ve zawng tak a ni ve khiah..Thla kip a kan awm mai chawi mai loh zawng.
Pawl Hnih Pass lo...
Posted by Pu Maleeya on September 11, 2011
A hun a hnai ta hle mai,Class kal tha ve ngai bawk si lo, material lah neih ka lo nei reng reng hlei nem mawle exam chu ka tum ve ngei e,mahse exam tak kha ka hre lo der lui..rilru ah hahna a awm lian mahse a mihring berin a hriat loh der si miau vangin kan hlim hmel mai mai,a ni lah tak a Phone bill a hek duh mangnge,Xerox khawl pawh a sat phah ve fu e...nei loh zeuh hai khawm tum ai chuan avaia lakkhawm chap a ngaih avangin..a hun a lo her chhuak ve ta reng alawm...mut kham loh nen kan ni nuaih a ni ber e..ka in dem hauh lo,Taimakna in a tlin ve lo......
Tlan Liam ta..
Posted by Pu Maleeya on February 16, 2011
Zing dar 5 a lo ri a,ka alarm set chuan min ti harh hlawl mai a ,a nihna takah chuan ka harh zawh pawh ka ring chiah lo,kan thil tih tur avang chuan thawh han hai phal chi zia zang a ni lo,hreh tak chung chuan kan meng kawk a,mit a vai ruai mai,peih leh peih lo chuan kan zi mar te te a,ka puan sin lai chu kan hlim a,puan han sin loh chiah chuan khua chu a vawt hle a ni tih ka hre thei nghal,kawr ka hak loh avang chuan,ka thawmhnawm ka dahna lam chu kan ban tak tak a,ka ban lai te chuan ka ban te chu vawt tih avang chuan a bawl tawk tawk a,tih luih a ngai si,ka rilru te te chuan, Zing thawh atanga han peih loh nghal rik ngawt pawh chu thil tih chi a va ni dawn lo em tiin ka ngaihtuah a, ka tho tuah tuah a,ka thu ta luau a,ka sam lah a thur tha hle mai,Kum sarih dawn sam thur mang lo hian ka lo tho thin tawh si ,kan in hai mam zung zung a, lei dek tur chuan ka ke chu kan thlak thla a,ka mawza khing chu ka lo leng bo daih chu niin! ka mumang a,sangha kan manna luiah khan ka phelh tih chu ka la hre thei, ka hawn ta lo a nih dawn hi kan ti sam et a.
A.... thawh ka hai em mawn le tiin tukverhah chuan kan dak a,khua chu a lo la thim zek mai si ,Laltrin meikhuin a ur un tawh tak mai,chhit ngun tih hriat tak chu Sunflower nawalh ngei mai chuan kan chhi eng a,duh aiin ka lo herh sang a ni chek ang chu, a khu a dum ngei phat rual a ni lo,kan herh hniam vat a,tui dehna lamah chuan ka in khai phei ta,darthlalang ah chuan kan in en a ka phu deuh zawk a,ka mit vei lam chu thil sehna niawm tak hian a vung bawk sen lawl mai a,ka mit ding lam ai chuan a meng pawh a zim bik hle,kan nuai zauh a, a thip hle mai,Zing ka thawh hlim khan a in char rei ka ti reng a ni.
Ka Sialsuk kal ve kha aw!!!!
Posted by Pu Maleeya on November 25, 2010
Zing thoh hma em em a ngai lo bawk a tiin kal ve tum chuan ka in buatsaih a,zan lam ah ka menrei deuh hlek a vang chuan ka tho hma lem hlei lova,harh erawh ka harh hma ngang mai..Zin han tih vel hi chuan huhang a lo nei deuh bawk nen,kan helhhawlh a ni ber ang chu..Ti chuan zin tur e ti lo chuan tuk thuan chu kan ei lo leh ngat phat a,Biakin kawtah Dar 11 ah innghakhawm tur an tih a vang chuan Biakin kawt lamah chuan in au thawm leh Bus nung vut vut ri chu a hriat theih tawh a..muang mar chuan kan insiam a,Hminsangzual Pa ka nghah avang chuan kawt ah chuan ka la tawi khawmuang a,a hmanhmawh lo chi a nih avang chuan ka hmanhmawh duh lem lova..kawtah chuan ka lo thu a,a hnu deuh hlekah chuan a rawn khu phei ta talh talh a,ti chuan Biakin lam chu kan pan dun ta a,ka tui vawt ken chu ka ah mai loh avang chuan khawi ka lo ak ang nge a ti a,tun thleng hian a bur kha min la pe leh ta lo,hetiang hi a lawm thil bona hmawr pakhat chu a ni ve reng a ni..
Bus ah chuan an lo khat tlat tawh a Sialsuk tleng han din phei chu kan tum der lo a hnung lama bus dang lo kal tur chu kan lo ngahk a,traffic jam ah a tang an tih avang chuan kan lo nghak rei hle ve bawk.Ti chuan TMB bang sang chi tiat dawn a lo thlen chuan kan zuang lut ta vak a,ti chuan Sial Khawpui lam pan chuan kan tawlh liam phei ta pur pur a,kan tluang a Harsatna a awm lem love..Ti chuan Chhun chaw fak hun pelh deuh hretah Aibawk kan thleng phei a,Ril a lo tam ve deuh tawh ni ngei tur a ni Thingpui dawra Cheng 60 hman ral chhung chu a rei teh vak lo,kan tam bawk a an buai bawk a mamawh lam an tam bawk a min vil hneh lo mah mah zawk a ni e,min vil hneh deuh sela chu tho thei lek lovin kan lim mahna..ti chuan kan chuanna ngaiah chuan chuangin kan kalna lam tur pan chuan kan kal leh ta..
uNd3r cOn$tRuCt1oN
Posted by Pu Maleeya on October 05, 2010
Ka phone number chu ka pe ngei a lawm ,min dil miau si a,ka number ni lo pek ka tum deuh lek lek a ,mahse ka in thiam lo leh deuh a,ka number ni lo pek han tum dawn ngawt ila, a ni lo pek tur ka nei chuang der si lo,a va han manganthlak tak em!!!!!, "In bialnu, in bialpa ka peih lo a nia", tiin thu kan pawt chat sa vek a,mahse kar loah chuan mi rawn ngaizawng ta deuh tlat mai a,a hrehawm ka ti kher mai,han hnial dan lah chu ka thiam der mai si lo a,han tih vak ngaihna ka hre lo a ni ber e.
1 October 2010
Posted by Pu Maleeya on October 01, 2010
Chibai malsawmna hi kan va han dawng hnem bik tak em..kan vannei a va han lawmawm tak em dam leh hrisel tak maiin kan han tho leh ringawt te pawh hi a lawmawm ngei mai ....Vawiin hi October ni 1 a lo ni leh ta reng mai,kumin chu kar lo ah a lo zo leh tawh mai dawn a lo ni e..dam chuan kum khat hi a va han rei lo tak em Thlahnih chiah a lo awm leh dawn ta e...Kumin chu ruahtui a tam em avangin fur chhung a rei ngan ngan hle mai a,mahse her October thla han thlen meuh chuan ruah a la sur lo ni khatni a nih vangte pawh a ni maithei le...Krismas rim a nam leh tran ta a va han chakawm leh tawh tak em....
Thin Arrowroot
Posted by Pu Maleeya on September 27, 2010
Naupang Insual
Posted by Pu Maleeya on September 11, 2010
A rei ve ta deuh e, nikum hmasa lam a ni ta in ka hria.... ka hre chhuak teh thut a, kan chhu hang ve leh mai mai teh ang, Ka class kal haw lam chu ka hah hle mai a,ni lah chu a sa em em mai lehnghal a,kan in lam pan chuan ka kal hnak hnak a,tichuan kan in kawi khata ka la thleng lo tih ah chuan he thil hi a lo thleng ta,naupang pathum pali vel chu an lo ding bial trai mai a,pakhat chuan Football a lo keng nghe nghe...an thil kil bial chhan chu kan en nakchuan, naupang pahnih rum em em maia in melh rum chu an lo kil thap a,naupang laia insual hrat em em mai ka nih avangin, thelh chi ah ka ngai der lo,kan ding khawmuang ve dat a,naupang ho chuan min hmuh veleh chuan an thiamthu leh a ti hmasa nih kha tiin min lo hrilh nghal thuai thuai a,ka nui mai a, ngawi reng chuan ka en ve ta ngawt a.
World Cup 2010 Boruak Kha
Posted by Pu Maleeya on September 11, 2010
 Mizo te hi World Cup boruak hian min chiah hneh thei bik a nia,hei hi Fee Counter (Fee Pekna) hmun pakhat a ni a,England an tan em avangin he thu hi an tar niin a lang.Mizo te hi a tam zawk chuan England hi an tan ngei a ,a bik takin Hmeichhe lamah hian tantu an rtam deuh a ni maithei,English Premier League,kan en nasat em avangin hming hriat leh Sitar an ngah vang te pawh a ni mahna, |
 Posted by Maleeya on June 8, 2010 at 1:49 PM |
Pistol hi mizotawng chuan puakruk kan ti mai a,Vai film ah chuan pistol te hi an tlir char char thei bik hahaha...he Puakruk lem hi ka char nawlh mai a,kan vawmbei ve leh hmiah mai a nih hi...kah fuh a awl phian maithei a ni...Cowboy bu kan chhiar chuan pistol an hman thiamzia leh a tangkai zia kan hre awm e..Sudden-a tih vel rilruah lo lang nghal chuai chuai a nih hi...
A tha na a,a che chhia....
Posted by Pu Maleeya on August 21, 2010
 Posted by Maleeya on June 2, 2010 at 1:50 PM |
"A khai a khu chu(h)" tiin thianpa Tetea chu a rawn au hluai a, a bula awmte chu an phu nghal suau a, Bus chhunga awm kan ni a tukverh bula thute chu an dak thla nghal suau a,kei lah ta peh chu ka thutna a fuh loh a vang chuan kan en ve nghal mai thei lehpek a....hahthlak tak a va ni lul em...
Mutthilh dan dangdai
Posted by Pu Maleeya on August 03, 2010
A la chim lo!!!
Posted by Pu Maleeya on July 23, 2010
Nikum hmasa lam em ni ta...a rei ve leh ta deuh hlek tawh awm e..Saitual nge Seling Nu pakhat chuan a mang lamah Laipuitlang chu a chim dawn tih a hre lawk ta tlat a,inlarna ang deuh hlekin a hmu ni awm e..Tv ah te hial pawh an kawm hial kha maw....Laipuitlang a chim dawn e,an tia Thingtlang lam unau te chuan an chhungte an in chah khawm ta hum hum mai a,baklengin an tlan chhia kha ni a,Sum tam tak a luang ral ngei ang,sum hman ngai miah lohah an haw ta hlawm kha ni si a,tun thleng lah chuan a la chim der si lo.....
Kei phei chuan a chim lai en kan chak ang reng khawp mai a,ka lo ngahk chheu mai,mahse a chim ta lo a ni e tunthlengin,han chim ta tehreng tak tak sela chu kan buai a kan buai tur zia mai chuh a rapthlawk khawp ang le..a hun lai khan an sawi vawng nasa khawp maisi a,mitin mai ti ti kha a tling reng bawk a,thu mak deuh deuh leh ti ti leng vak lah hi a tam ropui si..chutiangin an han sawi tak tak hi chuan,a lo chim reng tawh emaw tih mai theih a ni hial a ni...Dawt thu lengvak leh thu ho mai mai hi kan bengkhawn a..Thutak chinah kan muthlu leh dual bawk si..a hahthlak teh zawng a nih hi
Thawkkhawt lai bawk khan Bazar puiah Bomb a puak dawn e anti lehpek a,dawr nghak ho khan an dawn an khar leh ta sung sung mai a,an haw leh ta sung sung a,Police lam sawi ni miah loah kan in tih thaih a,kan hlau leh em em mai a,tute titi leng vak emaw mai mai kha kan buaipuiin kan manganpui leh chiam mai kha a ni a a buaithlak teh zawng anie..Tunthlengin Laipuitlang chu a la chim lo a a din ngaiin a la ding reng a,A chhipa Kross pawh a la awm reng chutiang bawk chuan Bazarpuiah pawh tun thlengin Bomb a la puak hek lo..Laipuitlang a chim dawn e ti tu ber kha chu a thawm a reh ta,hriatzui tur a awm ta hauh lo a reh ta hmak ni berin a lang....a lar phah ve ngei a mahse athangtlawm ta em bawk a ni....Buaipui tur hi buaipui ila Buaipui loh tur hi chu sirah hnawl ngam ila...Kan Zoram Khawvel hi a va han nuam leh zual dawn tak em!!!!!
Tah ka bang thei lo
Posted by Pu Maleeya on July 23, 2010
Mi velh ching tak mai leh naute vel mai mai chi hi ka ni bawk a,bakah naute paruk lai ka nei bawk a ka vel kim vek chuan ka hria a khermei zawng tak leh firfiak taka che duh mi hi ka lo ni kher bawk ne,a tawp a tawpah hi chuan min hrem leh nge nge zel.....Tah hi a tha,nuin nau a pai a lo pian hian a rawn tah chhuah hawm hawm loh chuan ngaih a tha thei miah lo,nau tlei lutuk tap pawh tap ngai lo chuan hrisel loh rukna an nei duh te an ti bawk si,tah na chang hriat a tah hun hiat hi a hlu ve khawp mai,naupang suakpak tah belh leh lutuk te hi chu velh belh chhah hi an chakawm thin khawp mai,bakah naupang buchip deuh hi hnap leh mittui hi an chawhpawlh ta thin a a pui thei fu.....
Lungawina leh hlimna vawrtawp a lo thlen hian mihringte hian kan lan chhuah tir dan tha ber chu tah hi a ni mai awm e,chutiang chiah chuan kan lungngaihna leh kan nun hrehawmna lantir nan tah tho kan hmang leh bawk si...Tah hawm hawm hian mihring nun a chhawk thei a nih ngai chuan,tuman tah ban zai i rel lo teh ang u..Tah avang hian mihring nun thui takin kawngro a su si a...
TEST: How Fast Are You?
Posted by Pu Maleeya on July 23, 2010
 | |||||||||
A chhana en duh tan : http://i29.tinypic.com/24pxd0h.jpg |
TATA Indicom Police Station ?
Posted by Pu Maleeya on July 20, 2010
A mak khawp mai kei chu ka hrethiam der lo TATA Indicom Police Station han nih tawp mai chuh ka ti deuh TaTa Indicom ho hian an phone siamte a thlawnin an hman tir nge hriat va ni suh a mak ka ti ve khawp mai...hetiang ang chi hi hmuh tur ram dangah awm ve tak ang maw....hriatthioam a har khawp mai.....ka fin a tawp e...
Hemi zan hian thla kan lak a vang hian min la hau zui lehta nghal a poi khawp mai Flash lo a lak tur kha a lo flash ta pek a a rang a rangin an rawn dak chhuak nghal...Ka site a mi tur a nia ka ti ve tawp chuan kan kal leh ta mai kawi kan pelh hnu chuan kan ding a kan nui triah triah..a lo dak pa lah kha rin ai tak chuan a fel phian min hrem lo hlauh....
Police te hi min venghim tu tur leh misual zilh tu turte an nia hna rim takin an thawk a,an ngaihsanawm khawp mai chutih mek lai chuan rui hmuh tur an lo awm leh zeuh zeuh thin erawh a pawi khawp mai...mahsela an nun pumpui an inhlan avang erawh chuan an ngaihsanawm khawp mai...mi awmtha duh lo te leh kawhmawhbawltute thian faitute an ni si a.......
Subscribe to:
Posts (Atom)
-UFO A NI THEI A NGEM ????