Pawl Hnih Pass lo...

A hun a hnai ta hle mai,Class kal tha ve ngai bawk si lo, material lah neih ka lo nei reng reng hlei nem mawle exam chu ka tum ve ngei e,mahse exam tak kha ka hre lo der lui..rilru ah hahna a awm lian mahse a mihring berin a hriat loh der si miau vangin kan hlim hmel mai mai,a ni lah tak a Phone bill a hek duh mangnge,Xerox khawl pawh a sat phah ve fu e...nei loh zeuh hai khawm tum ai chuan avaia lakkhawm chap a ngaih avangin..a hun a lo her chhuak ve ta reng alawm...mut kham loh nen kan ni nuaih a ni ber e..ka in dem hauh lo,Taimakna in a tlin ve lo......

Question paper an rawn sem ta alawm mawle,ka hma a thu keiaia pa te daih chuan a thiam ho chu an thai ta zat zat mai a,thik leh itsik a va han na duh kher em ve le...thlantui fim a tla duh hle mai,hetiang reng reng hian exam hall hi a lo lum thei ngai a ni tih tuman min hrilh hre hran lo ka tawng a ka hre mai,Phai khawlum an sawi fo ai hian a nep bik hauh lo a nia..Chu zawhna bu keini aia lehkhathiam ten an rawn sem chu kan phek kan phek a,a zawhna te chu kan zir chiang a kan zirlai ah a tel tih ka hriat miah loh te chu kan hre thar ve leh chauhva,ka thil chak ber leh ka rilru a lo lang chu Ka lo zir tha lo a ni ka rin a rawn chhuak vek a sin mawle tih chu a ni...a tam zawk chu ka chhiar liam puat puat hnu a ni tih ka hre thei rei ruai a,tlar hnih vel chu ka la mitthla thei a a bak zawng chu risk a ngai dawn..RISK a va han sang tak em?Thiam lo zir tha peih bawk si lo ta chu entawn tur han ken luh mai chu ka tih ngai a ni der si lo,ring herh lek lek a thiante ziah sa han copy lah chu ka tih thin fo nise chu mark ka hmu tha phian maithei,a lum tihna a zual a,engmah thawk si lo chu thlantui a tla tha duh hle mai...Zirna hi ngati nge maw an lo hmuhchhuah tih te thlengin ka ngaihtuah thleng zu nia...Kan chhang ve ta lawm le,zir tlem bawk hre tlem bawk ziahtur a vang kher mai,dawt chu ka ti hauh lo kei pawhin ka awih chiah loh tur te chu Sap tawng ngatin kan remkhawm ve a,a awmzia chu han chhut chiang ngat sela a mak ve hlawm ang chu aw tiin.....

Darkar 3 chhung chu kan ziak ve mai a,Paper te lah chu kan la dil belh ve leh khanglang a,a thiam ber ni awm fahranin,minute 5 a la awm an han tih te chuan a thahnem ngai awm ber zia zangin kan thai rang ve satliah a,hun a tawp hnu chuan,thiam awm fahranin hei ka zir tlem tehlul nen kan ziak hnem ve hle a lawm mawle tiin ka chhanna phek chu kan chilh ve a,mahni kan in thiam chawp mai mai a ni si a....thawveng leh nuam ti ber ber ah kan la han tang zui lehta nghal a,a mak love Zirna hian mihring rilru hi a lo kaihruai thui nek a lo ni e..Exam kan han zova thian ho kan han thu tlar a kan han sawi khawm leh liam liam a,ti ti dang vawrh phet kan lo tum lui tlat a,kan chhan dan a dik loh zia leh kan ziah ve dan kawnghmang dik loh zia kan han thup ru lui a,a dik ve tho chuan ka hria kan han ti lui tlat a,exam zo engthawl rilru khan kan thiamlohna leh a mik a mak kan hriat lohna kha zu han delh bet hmiah a....hun a lo kal zel ang nga result a lo chhuak dawn si a...

Pawl hnih pass lo engtin nge pawl thumah a thut theih ang...