Ka Sialsuk kal ve kha aw!!!!

                  Zing thoh hma em em a ngai lo bawk a tiin kal ve tum chuan ka in buatsaih a,zan lam ah ka menrei deuh hlek a vang chuan ka tho hma lem hlei lova,harh erawh ka harh hma ngang mai..Zin han tih vel hi chuan huhang a lo nei deuh bawk nen,kan helhhawlh a ni ber ang chu..Ti chuan zin tur e ti lo chuan tuk thuan chu kan ei lo leh ngat phat a,Biakin kawtah Dar 11 ah innghakhawm tur an tih a vang chuan Biakin kawt lamah chuan in au thawm leh Bus nung vut vut ri chu a hriat theih tawh a..muang mar chuan kan insiam a,Hminsangzual Pa ka nghah avang chuan kawt ah chuan ka la tawi khawmuang a,a hmanhmawh lo chi a nih avang chuan ka hmanhmawh duh lem lova..kawtah chuan ka lo thu a,a hnu deuh hlekah chuan a rawn khu phei ta talh talh a,ti chuan Biakin lam chu kan pan dun ta a,ka tui vawt ken chu ka ah mai loh avang chuan khawi ka lo ak ang nge a ti a,tun thleng hian a bur kha min la pe leh ta lo,hetiang hi a lawm thil bona hmawr pakhat chu a ni ve reng a ni..

       
               Bus ah chuan an lo khat tlat tawh a Sialsuk tleng han din phei chu kan tum der lo a hnung lama bus dang lo kal tur chu kan lo ngahk a,traffic jam ah a tang an tih avang chuan kan lo nghak rei hle ve bawk.Ti chuan TMB bang sang chi tiat dawn a lo thlen chuan kan zuang lut ta vak a,ti chuan Sial Khawpui lam pan chuan kan tawlh liam phei ta pur pur a,kan tluang a Harsatna a awm lem love..Ti chuan Chhun chaw fak hun pelh deuh hretah Aibawk kan thleng phei a,Ril a lo tam ve deuh tawh ni ngei tur a ni Thingpui dawra Cheng 60 hman ral chhung chu a rei teh vak lo,kan tam bawk a an buai bawk a mamawh lam an tam bawk a min vil hneh lo mah mah zawk a ni e,min vil hneh deuh sela chu tho thei lek lovin kan lim mahna..ti chuan kan chuanna ngaiah chuan chuangin kan kalna lam tur pan chuan kan kal leh ta..

         

          Midum kham kan thlen hma deuh chuan borual chu a vawt ta vur mai a,kawrlum ka ken theihnghilh tih ka hrechhuiah chiah a,ka haw leh lek lek a ni..ti chuan Hmuifang khua kan thleng chho dawn ta a,kaw luh hma a Hmuifang Park( Lallian-Vung Hmun) an tih ah chuan kan han chawl leh ren rawn a,Vena camera Canon in an thla ka laksak nghe nghe a,kha an duh ai chuan a thim deuh mai thei,engmah sawi zui tawh hek lo a tha a ni chek ang chu maw.Ti chuan kan kal leh ta zel a.Sialsuk kan thlen phei khan ni a la tla lo deuh Biakin kawtah thingpui nen min lo dawngsawng a thingpui inah pawh mei rim a lo nam chak ta mai,khua lah chu a vawt fu mai,tichuan,mikhual te an han sem ta sang sang a,kan thlen hlim a tang chuan mikhual sem in an buai ta a nih ber chu kei ka hming an lam tel thei ta hauh lo mai tlem te Pathianni zana zin tum te inhmuhkhawm tur tia kal lo ho chu kan thu tlar deuh ta thap mai a,ti chuan a hnuah chuan min lam ve ta,a phur awm ta chuang hauh lo,mi amaha tawng tlem in tih tawh nak alaiin mahniin min han thlen tir zui leh ta ngal,mahni a thleng tur ka nih avang chuan ka thlenin,a zanriah kilna tur a nih ber chu thleng min thlah tu tur hnung chu ka zui a ka thlenin Pa hming tun thleng hian ka la hre ta chuang lo,ka lo zak hle ni tur a ni,kan lut ve rawih a,ti chuan mei lum an lo chhem a nu ber chuan rawng a lo bawl mek a,huan kal an lo haw ve deuh chiah a lo ni a,riak tur in min lo la beisei zui,mikhual kan neih tawh te mitthla reng chung chuan kan ti ti ve ta a nih chu,a ropui lem lo hle mai.

       
              Ka thawmhnaw ah te dah vel kan tum a,ka bag kan hawng a ka bag zipper kan pawt chhe leh bawk nen,Players hman kan dil a,an lo ti bo zo tawh a pahnih an neih thin thu chiah min hrilh a,thenawmah min va hawh sak a a va han inthlahrunawm tak em...kha bag kha chu ka keng leh tawh ngai hauh lovang,ti chuan chhung inkhawm kan nei a Zanriah kan kil ta,an fanu te pahnih chu kei ang tho a zakzum an ni tih a lan chian na chhan chu dawhkana kil lovin an in chawi daih a,chhun lam a thil ka lo ei nghek avang chuan khawrh khat pawh chu ka ei zo thei lo lek lek a ni.engtin tin emaw ni ka ti zo thei hram,chaw ei ham chuan kan in phih fai a,inkhawm tur chuan ka in ak chhuak a kan in mangtha ta a.

      
          KTP intlawhtawn a ni a boruak a nuam khawp mai mahse Sialsuk tlang chu Aizawl ai chuan a vawt deuh..ti chuan inkhawm ban chuan Felloship kan nei a zai ho leh hmuhnawm kan en a,a tawp ber a,Drama awmze nei lem lo rei fahran an han chang chu ka en zo peih ta lova pawnah ka chhuak ta daih a pawn chu a lo vawt kher mai ti chuan kan bang chu a ni ta mai 

     
        Aizawl lam pan chuan kan haw phei leh ta a,Muallungthu kan thlen phei chuan naupang chanchin duhawm lo zet kan rawn hre phei a a ruang anhmuh thu an rawn tlangau a,ti chuan kan rawn haw phei zel a,Mel 8 ah tlangval mal tlat kan hmuh avang chuan kan han ding a nula nen a fianrial hun hmang an lo ni a,kan kalsan leh ta a,ti chuan kan tlan zel a kan veng kawtchhuah ah chu him tak leh tluang tak chuan kan thleng leh ta ka mut khan zing dar 2 a ri tawhin ka hria Airtel Signal a la awm lo zui,ka mu tui kher mai.

8/11/2010