Mizoram Presbyterian Kohhran chuan, tunlaia India rama chhiarpui neih mek leh Unique Identification siam tur atana National Population Registration neih mekte, sakawlha ngaia mi thenkhatin an hlauh chungchangah thuchhuah siamin, chhiarpui chu sakawlh a ni lo a, hlauh tur a nih loh thu a puang a; tunlaia sakawlh chungchang an sawiah hian chî-âi lo turin an kohhran mite an chah.
India ram puma chhiarpui neih mêk chu mi thenkhatin Bible-a sakawlh nena sawi zawmin, sorkar laipuiin UID-a hman tur chu sakawlh hlimthlá ang ngaia chhiarpuia tel duh lo chhungkaw eng emaw zat, district hrang hrangah an awm a, hei hian chhiarpui buaipuitute leh DC-te a tibuai hle a ni.
Mizoram Synod chuan, UID chu India khua leh tui, mi tinin chhinchhiahna inang lo vek an neih theih nana buatsaih a nih thu a tarlang a, Voter ID Card hman mek aia chipchiar zawka buatsaih tur a ni tih a sawi a; UID chu dân loa ram dang atanga India rama lo lût rùte hriat hran nan te, a firfiaka che thinte man chhuah nan te, inthlanna atan leh thil chi hrang hranga hman tur a nih thu sawiin, hlauh tur a nih loh thu leh, India rama chêngte tan neih vek a him zâwk thu a tarlang.
Synod chuan, sakawlh hlaute'n hmanlai atangin thil danglam deuh apiang sakawlhah an lo puh fo tawh thin a, mahse puh fuh an la nei ngai lo tih a sawi a, "Sakawlh hi an hlauh laklawh tawh avangin tun thleng hian thil danglam deuh, sakawlh nena hmehbel theih nia an hriat apiang an puh a, chhiarpui lo pawh hi puh tur remchang an la zawng zel ang," a ti.
Tunlaia sakawlh chungchang sawi thinah hian Presbyterian kohhran mite chu chi-ai lo tura chahin, Synod chuan, sakawlh chu a puha inpuh chi a ni lo a, a lo lan dawn chuan hai theih a nih loh tur thu a tarlang a, "Miin sakawlh a hlauh chhung chuan rinnaah a la chiang lo tihna a ni," a ti bawk.
India ram chhiarpuia tel duh loh chu khua leh tui tha nih kawnga rinawm lohna a nih bakah, sorkar pawi sawina lian tak a nih avangin kohhran mite chu hlau lo a, a theih ang anga sorkar tanpui zawk turin Synod chuan kohhran mite a fuih a; sakawlh hlau apiangte chu sakawlhin a hneh turte an nih zawk avangin, Isua Kristaa awm tur leh, kohhran bèl tlat turin mipuite a chah bawk.
India ram puma chhiarpui neih mêk chu mi thenkhatin Bible-a sakawlh nena sawi zawmin, sorkar laipuiin UID-a hman tur chu sakawlh hlimthlá ang ngaia chhiarpuia tel duh lo chhungkaw eng emaw zat, district hrang hrangah an awm a, hei hian chhiarpui buaipuitute leh DC-te a tibuai hle a ni.
Mizoram Synod chuan, UID chu India khua leh tui, mi tinin chhinchhiahna inang lo vek an neih theih nana buatsaih a nih thu a tarlang a, Voter ID Card hman mek aia chipchiar zawka buatsaih tur a ni tih a sawi a; UID chu dân loa ram dang atanga India rama lo lût rùte hriat hran nan te, a firfiaka che thinte man chhuah nan te, inthlanna atan leh thil chi hrang hranga hman tur a nih thu sawiin, hlauh tur a nih loh thu leh, India rama chêngte tan neih vek a him zâwk thu a tarlang.
Synod chuan, sakawlh hlaute'n hmanlai atangin thil danglam deuh apiang sakawlhah an lo puh fo tawh thin a, mahse puh fuh an la nei ngai lo tih a sawi a, "Sakawlh hi an hlauh laklawh tawh avangin tun thleng hian thil danglam deuh, sakawlh nena hmehbel theih nia an hriat apiang an puh a, chhiarpui lo pawh hi puh tur remchang an la zawng zel ang," a ti.
Tunlaia sakawlh chungchang sawi thinah hian Presbyterian kohhran mite chu chi-ai lo tura chahin, Synod chuan, sakawlh chu a puha inpuh chi a ni lo a, a lo lan dawn chuan hai theih a nih loh tur thu a tarlang a, "Miin sakawlh a hlauh chhung chuan rinnaah a la chiang lo tihna a ni," a ti bawk.
India ram chhiarpuia tel duh loh chu khua leh tui tha nih kawnga rinawm lohna a nih bakah, sorkar pawi sawina lian tak a nih avangin kohhran mite chu hlau lo a, a theih ang anga sorkar tanpui zawk turin Synod chuan kohhran mite a fuih a; sakawlh hlau apiangte chu sakawlhin a hneh turte an nih zawk avangin, Isua Kristaa awm tur leh, kohhran bèl tlat turin mipuite a chah bawk.
Source :Monday, 14 June 2010 Vanglaini http://vanglaini.org
No comments:
Post a Comment