Têk

Misual vanneihna,tum loh pui leh beisei loh deuhin lak fuh hun a lo awm ve teh tlat nuam ve duh mai mai tak a ni .Tukhumpawngi chuan,"trek lo lak hman chu a hman thlak eeeeeeeeeeee :) "a ti a, a dik viau bawk,mahse he thil hi chu hman vang leh awm awl vanga lak a ni tlat si lo,a hnuah ka chang leh tak tak a theitawp kan chhuah  ngial a...ka man hman tawh der lo..a hun leh kan hun a inrual chuan a sap vuah zuih mai a  lo nih ber hi maw.."A aia fiah leh mawi pawh i la thei lo em ni ?"an lo ti ve mek bawk a,tum ve chhin la i hre mai dawn nia tiin chhanna awlsam ve deuh tak chu a ni awm e..thlawt in na..Tek thla lai thla lak fuh hi har ve tak chu a ni e..thil har tak a ni..Hethil hi kan la fuh ve nawlh mai hi ka lawm kher mai,chhungril ah hian kan hlim veng veng mai zu nia...

Primary leh Middle Sikul kan kai lai khan ruahpui vanawn an sur a,kawl an phe zuai zuai a,khawpui an rik dur dur hi chuan,in lam hi rilruah a lo lang lian ber a in lam hi kan ngai vawng vawng zel kha a ni a,khawpui ri hian lung hi a ti leng thei a ni chek ang chu mak ve mai mai tak chu a ni e,Lunglenna mak tak chu a ni ngei mai,Tek an phe zuai a,rapthlak eltiang a an rawn ri nghal thuai leh min han nghawr dur dur han hriat hi chuan ngaihtuah hi a ti thui thei hle,Khawpui ri leh kawlphe zuai zuai laia inkhelh chang ni te hian,awm hi a nuam lo ve duh kher mai,mahse inkhelhnawmna leh kan phurna kha a ri hian a up bet zo si lo chu a ni e.....

A lawmawm em mai a,kan dah ve leh satliah mai mai a ni e,kan dam ang nga,Tek leh kawl te chu a la phe dawn chauh a lawm mawle,zep lovah tu pawi sawi lovin min den  em loh chuan a zung zam thui tak te pawh la nei thei turah in ngai ila..nui vur vur chung leh ngaihtuah vung vung chungin in nghak leh tawp mai teh ang..Fur a zawh hma ngei hian.....