ENGE KA NIN BER?

TRAFFIC JAM !! Hawrawppui ngatin ziak teh ang. "Enge i nin ber?" tiin ka mutui lai min rawn kaitho tawp ta sela.

"TRAFFIC JAM" ka ti nawn awn awn ang, a ni lah tak a, Traffic Jam ah hian kan tang luih luih reng mai a, a huangtau deuh leh midang vengthawng lem lo te hlei hlei hian rilru an ti hah a, zaidamna an ti tawi duh fo lehnghal a, a Jam chhan leh kan din thut chhan a chhan bulpui ber han chhui hi chuan chhan tha tak hi a lo nei meuh lo leh nghal a, enge maw vang mai mai ni ta ber hian a lang.

Lirthei a tam : A Jam chhan hi lirthei a tam vang hi a ni ta ber awm e, a, keipawh hi karkhat chhungin office kal nan ke a kal ka peih meuh loh avangin lirthei pahnih ka nei a, a ti zam tu leh ti tawt tu zingah chuan ka tel ve reng alawm, han ning viau mah ila, Jam huam a in khalh chhuah zel a tul zual zel dawn a ni.

Hmanni lawk khan Lirthei inziaklut thar MZ01 AD 3.....(Sang 3) vel aan kai tawh a, vawiin ah chuan ka hma a tlan chu MZ01 AD 8...(pariat) in bul an lo tan a sangriat a lo kai leh der tawh  lirthei hi pung chak per per tak a ni. Tui luang ang em a nih loh pawn tui far ang tal chu a ni ngei ang.

Huiham Traffic Jam hi ning viau mah ila, khawnge Jam a tang turin in khalh chhuak leh phawt mai teh ang, ka tih tur tih tlai phah ai chuan, Jam hisapin hma deuh hlekah hian inkhalh chhuak ta mai ila, ka thil nin em em tum aia hmaa hmachhawn pawh hi a nuam zawk ta ve ang tiin inhnem lungawi chawp mai teh ang, nin tlai ai chuan nin hma a tha zawk ngai e.

Traffic Jam a tan nuam vek ule.