Inrinni tuk khat chu ka khawl bawm kan en a rin ai takin pawisa ka lo khawl ngah tawh phian a thil thar ka nei khat bawka vawiin chu bazar kal ila thil thar lei ve teh ang tiin ka rilru ka siam a a phur pawh ka phur khawp mai,chaw kan ei sawk sawk a chaw ei kham hnu chuan Bazarpui lam pan chuan ka chhuak ta a...kal pah chuan ka duh awm zawng leh tha ka tih zawng chu ka thlek phei dan dan a rin ai tak chuan a man a lo to feng hlawm a.
Pawisa ka khawl ngah ve viau tawh emaw tih nak a lai chuan ka duh khawp lo rilru ta hle mai a,tih pun thut dan awm se aw tih chu ka rilru a lian ber chu a ni...kar lovah Bazar pui chu ka lut ta a thil chu a tam ngei mai mit la zawng leh tha ka tih ve zawng te lah chu a man a lo to thei feng hlawm bawk si thalai rilru leh thalai mitah chuan thil mawi leh thil tha chu han hai rual chi a ni si lo,mi te hian engtin nge maw an neih theih bik le..nitin kartin thil thar an nei fo si a tih te chu ka rilru ah a lian hle mai..dawr hrang hrang ah chuan ka lut hnem thawh khawp mai a ka luh hnuhnun leh ka zawh hnuhnun apiang mai chu a tha bik zel ni te hian ka hria a,a man te lah chu a to telh telh niin ka hre ta...dawr zawng zawng deuhthaw chu ka lut kim ti tih a ni ta der mai Second hand lane chu kan hrut leh thuak thuak a ,kan iai ve khanglang bawk si..thil thar neih ve tum ta fan a mi thil hak hlui han hak chu(h) tiin.a thar rim nam chak leh zahpui awmloh tak chu ka neih in a daih chuan lei ka la tum ve ta fan a...hun lah chu a kal duak duak mai bawk si...ka rilru a buai ru ta hle mai..nge maw a leina daih ka nei lo chung chung ka duhzawng tak leh mawi ka tih em em man to em em si lei ka tum kher duhzawng te zawng a awm ang chu ka pawisa kenin a daih loh leh ka lei theih loh tur tih ka hriat reng tul lovah ka zawh kual buai reng mai le tul lovah ka in ti buai mai mai a nih hi tiin ka rilru ka siam a ka neih in a tlin tawk nia ka hriat ka duh zawng tam tak awm teuh tho si a man ka ngah loh a vang chuan ka duh loh zawk chu ka lei ta tawp mai a.
Ka haw chu ka hlim lo hle mai!! nge maw tlem khawl leh ila ka duh zawk leh mawi ka tih zawk chu ka lei mai loh le..... tiin tui lo deuh chuan ka haw a..in kan thleng a ,ka thil lei chu kan bel chiang a beisei a lo pha lo em em mai lehnghal a nge maw ka lei laia ka lo en chian loh chu aw tiang te chu a langsar hle sia tiin ka thin a rim hle mai...
zan mutnaah chuan tihian ka ngaihtuah ta daih mai a...Khawvelah hi chuan duh thlan tur leh mawi tih zawng leh tha tih zawng hi a lo va han tam tak em..tha kan tih zawng leh kan duh zawng te lah lei sen loh a awm hner hnur a..thalai tan chuan nun hi a hrehawm lek lek zawk a ni? mawi leh tha leh changkang kan hre si a....Ka dil loh zawk malsawmna tih hla kha rilruah a rawn lut zawk mai a ,e anih dawn tak hi..
khawvel thilte hi ral thei leh chhe thei a ni si a..chatuan a chhe thei lo leh chul mai mai thei lo Isua kan nei tak a alawm mawle...Isua hi duh ber in thlang ber ila kan nun a hlimin kan lawm ber dawn anih hi...Khawvel thilah hian in ham buai lo ila kan mamawh leh kan tan a tha tur chu a man min pe mai dawn zawk a ni tak e ,tiin ka ngaihtuah ta daih a Ka bazar naah ka kal hah nasa bawk nen mut chhuak chuan mi rawn zem riai riai a tawnmang ram lam luhchilh tur chuan ka miuhil ta daih a.
No comments:
Post a Comment